რადიო „კომერსანტის“ გადაცემაში “კომერსანტის დილა“ არქიტექტურული კომპანიის „ამბეს“ დამფუძნებლებმა მარიამ
გომურაშვილმა და გიორგიმ
ჩაბალუხამ ისაუბრეს. მათი თქმით, კომპანია „
ამბე“ პანდემიის დროს, 2020 წელს ჩამოყალიბდა და არქიტექტურულ
პროექტირებას ახორციელებს, რაც როგორც მოცულობით არქიტექტურას, ასევე
ინტერიერისა და ლანდშაფტის დიზაინს გულისხმობს. როგორც დამფუძნებლები აცხადებენ, კომპანია სტანდარტულ მიდგომებს არ ეფუძნება და არქიტექტურულ ბაზარზე ახალ სიტყვას იტყვის.
„დღეს დამკვეთსა და არქიტექტორს შორის ურთიერთობაში ჩართულია სახელმწიფო, რაც პროექტირების პროცესს ართულებს და არქიტექტორსა და დამკვეთს შორის გარკვეულ დისონანსს და დისკომფორტს ქმნის. ჩვენი მთავარი გამოწვევა არის ის, რომ დამკვეთსა და არქიტექტორს შორის ურთიერთობა რუტინას დაემსგავსა. ჩემი აზრით პროცესი პროექტირებიდან ჩაბარებამდე არქიტექტორმა უნდ მართოს, რადგან დამკვეთის მხრიდან კითხვები არ გაჩნდეს. ჩვენ ვფიქრობთ, რომ ჩვენი მომსახურეობა დამკვეთისთვის კომფორტული და მის პირობებზე მორგებულია, ჩვენი პროფესიონალიზმით და გამოცდილებით შევეცდებით, რომ პროექტირების პროცესი მომხმარებლისთვის სასიამოვნო იყოს, რადგან ჩვენ მათ ისეთ სივრცეს ვუქმნით, სადაც მთელი ცხოვრება უნდა გაატარონ“, - აღნიშნა გიორგი ჩაბალუხამ.
გიორგი ჩაბალუხა აღნიშნავს, რომ დღეს არქიტექტურა უფრო რუტინული გახდა და მთლიანად სფერო ბიზნესის კეთებას დაემსგავსა. მისივე თქმით არქიტექტურა არის ხელოვნების სფერო, თუმცა ეს ტენდენცია მხოლოდ ახლა მკვიდრდება.
„ჩვენ ვთვლით, რომ ბაზარზე პოზიციას დავიკავებთ, რადგან ჩვენ მიერ დაპორექტებული დიზაინზე პასუხისმგებლები ვართ ჩვენ, შესაბამისად ჩვენი რამდენიმე მიმდინარე პროექტი ამ ხედვას და პრინციპს იზიარებს, რასაც ჩვენ არ გადავუხვევთ, რადგან ჩვენ რომელიმე სხვა კომპანიის გამოცდილებაზე დაფუძნებული კომპანია არ ვართ, ჩვენი ჩვენი ცალკე გზა გვაქვს და ამ ეტაპზე მთავარია, რომ ჩვენ წარმატებას მივაღწიოთ , გავხდეთ ცნობილები და თუ ამას შემდეგ სხვებიც გაიზიარებენ ძალიან კარგი იქნება. რა თქმა უნდა, ჩვენთვის კრიტიკაც მისაღებია, არქიტექტურა კრიტიკის გარეშე წარმოუდგენელია“, - აღნიშნა გიორგი ჩაბალუხამ
რაც შეეხება არქიტექტურულ ბაზარზე არსებულ კონკურენციას ჩაბალუხა ფიქრობს, რომ საქართველოში არქიტექტორების დეფიციტი ნამდვილად არ არის, თუმცა კომპანია “ ამბეს“ მიზანია, რომ გამორჩეული უნდა იყოს და ბაზარზე ახალი სიტყვა უნდა თქვას, რაშიც როგორც დამფუძნებლები ამბობენ ხარისხი და გამოწვევების გაანალიზება დაეხმარება.
„ზოგადად თბილისში არსებულ ურბანულ პროექტებზე ბევრი საუბრობს , ჩვენ შემთხვევაში ურბანულ პროექტებს არ ვუყურებთ, ვაანალიზებთ არსებულ გარემოს და იმ შესაძლებლობებს რაც შეიძლება, რომ გარემოს ჰქონდეს, რადგან შემდეგ არქიტექტურა არ იყოს უცხო, შესაბამისად ჩვენ იმ ხარისხით რა ხარისხსაც ჩვენ მომხმარებლებს ვაწვდით, მოწინავე პოზიციებს დავიკავებთ. რაც შეეხება განვითარებას, განვითარება იქნება ეტაპობრივი, მაგრამ იქნება წინმავალი, შესაბამისად ვფიქრობთ, ბაზარზე დიდი კონკურენციაა და ხარისხზე მეტად შემოქმედებოთობაზე გვექნება აქცენტი, რადგან დღეს არქიტექტურამ უფრო კომერციული ხასიათი შეიძინა , დაკარგა შემოქმედებითი მიდგომა და არქიტექტურა ბიზნესის კეთებას დაემსგავსა, სწორედ შემოქმედებითობა მოგვცემს იმის გარანტიას რომ ჩვენი კომპანია იქნება წარმატებული და გვექნება წარმატებული პროექტები“, - აღნიშნა გიორგი ჩაბალუხამ.
რაც შეეხება სამომავლო გეგმებს მარიამ გომურაშვილმა აღნიშნა, პირველ რიგში მათი მიზანი არქიტექტორებსა და დამკვეთებს შორის ცნობიერების ამაღლებაა, შემდეგ კი მათი სურვილია, რომ როგორც არქიტექტორებისთვის ასევე დამკვეთებისთვის ამბე გახდეს მაგაალით. გარდა ამისა დამფუძნებელები ამბობენ, რომ სამომავლოდ კვალიფაკაციის ასამაღლებლად იტალიაში ვენეციაში გაემგზავრებიან თუმცა მათი იტალიაში ყოფნის პერიოდში კომპანია მუშაობას არ შეწყვეტს და პროცესებში დამფუძნებლები ყოველდღიურად ჩაერთვებიან.
თაკო კვაჭანტირაძე