სექტემბრიდან სავაჭრო ცენტრები მომხმარებელს ახალი ბრენდებით შეხვდებიან. როგორც „კომერსანტთან“ „გალერია თბილისის“ მარკეტინგის მენეჯერმა ქეთა ახობაძემ აღნიშნა, მათი ფართი წლის ბოლომდე 100% -ით იქნება დატვირთული. მისივე თქმით, მოლაპარაკებები მიმდინარეობს რამდენიმე ბრენდთან და წლის ბოლოსთვის მომხმარებელს სიახლეები ელოდება. რაც შეეხება საიჯარო ფასს, როგორც ქეთა ახობაძე აღნიშნავს ფართის იჯარაზე ფასი არ შეცვლილა.
„შეგვიძლია ვთქვათ, რომ წლის ბოლოსთვის „გალერია თბილისის“ ფართი სრულად იქნება ათვისებული, გვეყოლება რამდენიმე ახალი ბრენდიც, თუმცა ყველა მათგანის დასახელება ჯერჯერობით არ შემიძლია, რაც შეეხება საიჯარო გადასახადს , მისი ფასი არ შეცვლილა“ - აღნიშნა ქეთა ახობაძემ
ახობაძის თქმით, „ბოლო პერიოდში გალერია თბილისს“ დაემატა Lancaster, Lascana, Original Marines, Furla, Elisabetta Franchi ხოლო სავარაუდოდ წლის ბოლოსთვის მომხმარებელი „გალერია თბილისში“ Latorre,-ს Scotch & Soda-ს Paul Zileri-ს, Hackett -ს, Marc O'Polo -ს და Patrizia Pepe, Pinko-ს იხილავს.
ახალ ბრენდებს ელოდება „თბილისი მოლიც“. როგორც „კომერსანტთან“ მოლის მარკეტინგის მენეჯერი ნატა გოგოლაძე აღნიშნავს, გასაქირავებელი ფართი მთლიანად დატვირთულია. ასევე აქვთ განახლებადი ბრენდებიც, რომლებიც როტაციას აკეთებენ. მისივე თქმით, მომხმარებელს შემოდგომიდან რამდენიმე სიახლესაც ელოდება.
კომპანიები Instreet და wishlist ამ ეტაპზე ხელმოწერილია და ამ წელში რაც გაიხსნება, ხოლო რაც შეეხება 2023 წელს, „თბილისი მოლს“ 6 ახალი მაღაზია დაემატება, რომლებიც ჯერ ხელმოწერის ეტაპზეა. შემოდგომიდან ახალი ფორმატით იქნება წარმოდგენილი zoomer, alta და Hyundai“ - აღნიშნა ნატა გოგოლაძემ.
თაკო კვაჭანტირაძე