ფინანსთა სამინისტროს მიერ გამოქვეყნებული, ნაერთი ბიუჯეტის შემოსულობების (კონსოლიდაციის გარეშე) მიხედვით, 2021 წელს აზარტული თამაშებიდან ბიუჯეტში, ჯამში 78,406 მლნ ლარი შევიდა, აქედან სისტემურ ელექტრონული ფორმის თამაშებზე (ონლაინ კაზინოები) 12,133 მლნ ლარი მოდის.
ამავე მონაცემების მიხედვით, 2020 წელს სათამაშო ბიზნესიდან ბიუჯეტში 19,261,560 მლნ ლარი შევიდა (შეგახსნებთ, ობიექტები დახურული იყო), აქედან 12,461 მლნ ლარი ონლაინ თამაშებიდან.
რაც შეეხება პანდემიამდელ, 2019 წელს, სათამაშო ბიზნესმა ბიუჯეტში 128,401 მლნ ლარი გადაიხადა, აქედან 12,411 მლნ ლარი ონლაინ თამაშებზე მოდიოდა.
ცნობისთვის, პანდემიურ, 2020 წელს სათამაშო ბიზნესის ბრუნვამ 32.091 მლრდ ლარი შეადგინა. ეს კი 2019 წლის მონაცემებთან შედარებით 6.231 მლრდ ლარით, 2018 წელთან შედარებით კი 18.285 მლრდ ლარით მეტია.
ამასთან, 2020 წელს სათამაშო ბიზნესის წილი ბიზნეს სექტორის მთლიან ბრუნვაში 28%-მდე გაიზარდა. ეს მაშინ, როდესაც 2019 წელს ეს მაჩვენებელი 23,7% იყო, 2018 წელს კი - 16%.
bpn.ge