ფინჯანი ცხელი ყავით დღის დაწყება ბევრი ადამიანისთვის ყოველდღიური რუტინაა, თუმცა ფასების ბოლო დროინდელმა ზრდამ შესაძლოა ეს დილა ფუფუნებად აქციოს — ამის შესახებ ინფორმაციას Eurostat ავრცელებს. 2022 წლის აგვისტოს მონაცემები აჩვენებს, რომ ევროკავშირში ყავის ფასი 2021 წლის ანალოგიურ პერიოდთან შედარებით საშუალოდ 16,9% -ით გაიზარდა, ხოლო 2021 წლის აგვისტოს ფასი 2020 წლის ანალოგიურ პერიოდთან შედარებით 0,5%-ით მეტი იყო.
იმ მომხმარებლების კი, რომლებიც ყავას დილით რძით და/ან შაქრით მიირთმევენ, დილის რიტუალი შესაძლოა უფრო ძვირი დაუჯდეთ, რადგან ამ პროდუქტებზე ფასები გასულ წელს კიდევ უფრო გაიზარდა. ახალი მთლიანი რძე 2021 წლის აგვისტოდან, 2022 წლის აგვისტომდე საშუალოდ 24,3%-ით არის გაძვირებული, ხოლო ახალ უცხიმო რძეზე ფასი იმავე პერიოდში 22,2%-ით გაიზარდა. 2022 წლის შაქრის წლიურმა ინფლაციამ 2021 წლის +0,8%-იდან +33,4% შეადგინა.
2022 წლის აგვისტოში, პოლონეთში შაქარი 109,2%-ით გაძვირდა, მონაცემები აჩვენებს, რომ ევროკავშირის ყველა წევრ ქვეყანაში გარდა მალტისა, ოთხივე პროდუქტზე ფასების ზრდა დაფიქსირდა.
2022 წლის აგვისტოში ყველაზე დიდი წლიური ინფლაცია შაქარზე დაფიქსირდა, შესამჩნევი მატება იყო პოლონეთში, 109,2%-ით, რასაც მოჰყვა ესტონეთი (+81,2%), ლატვია (+58,3%), ბულგარეთი (+44,9%) და კვიპროსი (+43,2%). ).
რაც შეეხება ყავას, ყავაზე ყველაზე მაღალი ინფლაცია ფინეთში დაფიქსირდა +43,6% 2022 წლის აგვისტოში, შემდეგ მოდის ლიეტუვა (+39,9%), შვედეთი (+36,7%), ესტონეთი (+36,4%) და უნგრეთი (+34,3%).
უნგრეთში, ლიეტუვაში და ხორვატიაში ფასების მნიშვნელოვანი ზრდა დაფიქსირდა როგორც უცხიმო , ასევე ცხიმიან რძეზე.
თაკო კვაჭანტირაძე