„პირველადი ჯანდაცვის რეფორმა ითვალისწინებს პირველადი ჯანდაცვის სერვისებზე არამხოლოდ, - ამის შესახებ განაცხადა ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, ეკატერინე ტიკარაძემ, უწყების ანგარიშის წარდგენის ღონისძიებაზე.
მისიოვე ინფორმაციით, ევროკავშირისა და ჯანმრთელობის მსოფლიო ორგანიზაციის მხარდაჭერით, უკვე განხორციელდა რეგიონებში პირველადი ჯანდაცვის დაწესებულებების აღჭურვა ტელემედიცინის 50 აპარატით, რომლებიც სოფლად მცხოვრებ მოსახლეობას შესაძლებლობას მისცემს მათი საცხოვრებელი ადგილის ფარგლებში ისარგებლონ ციფრული ჯანდაცვის შესაძლებლობებით.დამატებითი 50 ამბულატორია ტელემედიცინის პროექტს შემოუერთდება ევროკავშირის გრანტის ფარგლებში.
მინისტრს ამ კონტექსტში რობოტი პეპერი არ უხსენებია, თუმცა, როცა ტელემედიცინაზე ვსაუბრობთ, შეუძლებელია მისი რ გახსენება. საფრანგეთიდან ჩამოტანილი ჰუმანოიდი რობოტი პეპერი ჯანდაცვის მინისტრმა, ეკატერინე ტიკარაძემ საზოგადოებას ერთი წლის წინ, 2020 წლის ზაფხულზე წარუდგინა, მოგვიანებით კი ის სავაჭრო ცენტრის ვიზიტორებს ტემპერატურას უზომავდა და დისტანციის დაცვას სთხოვდა. მოგვიანებით პეპერი საზოგადოების თვალთახედვის არედან გაქრა. ამის მიზეზი ჯანდაცვის სამინისტროში ასე განმარტეს: რობოტი სამომავლო განვითარების სიმბოლოა, რაზეც სამინისტრო მუშაობს. უწყებაში ხაზგასმით აღნიშნეს, რომ ჯანდაცვა ერთ-ერთი მნიშვნელოვანი მიმართულებაა, სადაც უნდა დაინერგოს თანამედროვე ციფრული ტექნოლოგიები.
რობოტი პეპერის გაყიდვა 2014 წელს დაიწყო და რობოტოლოგიაში გარღვევად მიიჩნეოდა. მისი ფასი გასულ წელს დაახლოებით $14 000 იყო. მისი გამოყენება დაგეგმილი იყო ასისტენტად ინტენსიური მოვლის განყოფილებებში კორონავირუსთან ბრძოლაში.
სამინისტროს მიერ წარდგენილი ორი რობოტი კომპანია Georgian Integrated Systems-ის საკუთრებაშია. როგორც კომპანიაში აღნიშნავენ, რობოტებს დღეს სამინისტროსთან კავშირი არ აქვთ, თუმცა მიმდინარეობს ინტენსიური მუშაობა, მოხდეს პეპერის ინტეგრაცია ჯანდაცვის სფეროში სხვადასხვა ფორმით და ფუნქციონალით.
ავტორი: ბელა გელაშვილი