2022 წლის ბოლოსთვის ქვეყანაში რეგისტრირებული ელექტრომობილების რაოდენობამ 3,3 ათასი შეადგინა, რაც 2021 წლის მაჩვენებლებთან შედარებით 37.5%-იან ზრდას აჩვენებს. საქსტატის ინფორმაციით, 2022 წლის ბოლოსთვის ქვეყანაში ყველაზე მეტი ელექტრომობილის კონცენტრირება თბილისში შეინიშნება, სადაც ოფიციალურად რეგისტრირებულია მთლიანი ელექტრომობილების 67%-ი.

მეორე ადგილზე იმერეთია, სადაც 0,3 ათასი ელექტრომობილია, ხოლო მეორე ადგილს 0,2-0,2 ათასიანი ელექტრომობილით აჭარა და სამეგრელო-ზემო სვანეთი იყოფენ.

ელექტრომობილების რეგისტრაციის შესახებ ინფორმაცია საქსტატის ვებგვერდზე 2017 წლიდან მოიპოვება, რითაც დასტურდება, რომ ბოლო 6 წლის განმავლობაში 267%-ითაა გაზრდილი.

რეგისტრირებული ელექტრომობილების რაოდენობა წლების მიხედვით:

2017 წელი - 0,9 ათასი
2018 წელი - 1,3 ათასი
2019 წელი - 1,9 ათასი
2020 წელი - 2,2 ათასი
2021 წელი - 2,4 ათასი
2022 წელი - 3,3 ათასი