ერთ წელიწადში საქართველოს სახელმწიფო საგარეო ვალი 136.652 მლნ დოლარით გაიზარდა, თებერვალში წინა თვესთან შედარებით კი, 172.354 მლნ დოლარით შემცირდა.

ფინანსთა სამინისტროს მიერ გამოქვეყნებული მონაცემების მიხედვით, 2023 წლის თებერვლის მდგომარეობით, საქართველოს სახელმწიფო საგარეო ვალმა 8.264 მლრდ დოლარს, დღევანდელი კურსით 21.712 მლრდ ლარს გადააჭარბა. 2022 წლის თებერვლის მდგომარეობით კი, ვალის მოცულობა 8.127 მლრდ დოლარი ანუ მაშინდელი კურსით 25.635 მლრდ ლარი იყო.

2023 წლის თებერვლის მონაცემებით, საქართველოს სახელმწიფოს ყველაზე მსხვილი კრედიტორები არიან: EIB -ს - 908.975 მლნ დოლარი, IBRD- - 1.299 მლრდ დოლარი, აზიის განვითარების ბანკი (ADB) - 2.064 მლრდ დოლარი.