რუსეთის ვიცეპრემიერის, ალექსანდრ ნოვაკის თქმით, რამდენიმე რუსული გაზის იმპორტიორი რუბლში გადახდას დათანხმდა. მისი თქმით, რუსეთი ელის თანხმობას სხვა იმპორტიორებისგანაც, თუმცა, იმ მომხმარებლობის ვინაობას, რომლებიც უკვე გადავიდნენ რუბლში გადახდის სისტემაზე, მოსკოვი არ ასაჯაროვებს.
გასული თვიდან, ვლადიმირ პუტინის ინიციატივით, რუსეთისგან ენერგორესურსების შესყიდვას ქვეყნები მხოლოდ რუბლში შეძლებენ. გადახდის სქემის მიხედვით, მყიდველები კონტრაქტის ვალუტაში გადაიხდიან, რომელსაც შემდეგ გაზპრომბანკი ცვლის რუბლებში.
სომხეთი რუსული გაზის საფასურს რუბლში იხდის
უნგრეთიც თანახმაა გაზის ყიდვისას რუბლში ანგარიშსწორებაზე.
შეგახსენებთ, 23 მარტს, დასავლეთის სანქციების ფონზე, რუსეთის პრეზიდენტმა ვლადიმირ პუტინმა მთავრობას დაავალა, რომ „არამეგობრულ“ ქვეყნებს მიწოდებული გაზის საფასური რუბლში გადაახდევინონ. ევროკავშირმა უარყო რუსეთის მოთხოვნა ბუნებრივი გაზის საფასურის რუბლში გადახდასთან დაკავშირებით.
რუსეთს უკრაინაში შეჭრის და იქ საომარი მოქმდებების გამო სანქციები დაუწესა ლამის მთელმა მსოფლუიო, უიშვიათესი გამონაკლისის გარდა.
ქვეყანას ერთი მეორის მიყოლებით ტოვევენ უცხოური კომპანიები. ამის საპასუხოდ რუსეთი ამ კომპანიების რუსეთში არსებული ქონების მითვისებით იმუქრება.
რუსეთის საერთაშორისო რეზერვები გაყინულია.
რუბლის კურსზე ზეწოლის პრევენციისთვის ქვეყნის მთავრობამ რუსეთიდან ვალუტის გატანაზე ლიმიტი დააწესა, თუმცა უშედეგოდ. თითქმის 90%-მდეა გაუფასურებული რუბლი.
რუსეთის საფონდო ბირჟა 28 თებერვლიდან დახურულია და მისი გახსნა ამ დრომდე ვერ ხერდხება.
რუსეთი ჩახსნილია გადახდის საერთაშორისო სისტემიდან „სვიფტიდან". რუსეთში შეწყდა Visa-ს, Mastercarის, American Express-ის და JCB-ის და PayPal -ის საგადახდო ბარათების მუშაობა.
კანადამ, ავსტრალიამ, აშშ-მა და დიდმა ბრიტანეთმა ემბარგო დაადო რუსულ ნავთობს, რითაც ქვეყანამ მილიარდობით შემოსავალი დაკარგა. ევროკავშირი მნიშვნელოვნად ამცირებს რუსლი გაზის მოხმარებას და ალტერნატიული წყაროების მოძიებაზე უშააობს.
ფრენებს რუსეთის მიმართულებით აჩერებენ უცხური ავიაკომპანიები. თავად რუსული ავიაკომპანიებიც იძულებული არიან შეაჩერონ ყველა საერთასორისო ფრენა, რადგან სალიზინგო ხელშეკრულებების დარღვების გამო, მათ თვითმფრინავებს ინტენსიურად აყადაღებენ და იჭერენ.
სანქციების გამო რუსსი ოლიგარქების უახტებსაც აპატიმრებენ მსოფლიოს სხვადასხვა ქვეყანაში.
მოკლედ, რუსეთი სრულ ფინანსურ იზოლაციასა და სრულ ეკონომიკურ ბლოკადაშია მოქცეული. საერთაშორისო სარეიტინგო კომპანიები მას დეფოლტს უწინასწარმეტყველებენ.