საქართველოს ჯანდაცვის მინისტრის მოადგილის თამარ გაბუნიას განაცხადებით, საქართველოში კლინიკების დაფინანსების ახალი მოდელის, ე.წ. დიარჯი სისტემის ამოქმედებიდან ჯერ მცირე დროა გასული იმისთვის, რომ დასკვნები გაკეთდეს. მისივე თქმით, ჯერჯერობით კლინიკებში ამ სისტემაზე გადაწყობის პროცესი მიმდინარეობს.
თამარ გაბუნიას განცხადებით, ჯანდაცვის სამინისტრო აქტიურად მუშაობს იმისთვის, რომ ე.წ. დიარჯი სისტემა უფრო მოქნილი გახდეს.
„აქტიურად მივყვებით პროცესს და ვიღებთ რეკომენდაციებს, შენიშვნებს ექიმებისგან, კლინიკის მენეჯმენტისა და პაციენტის მხრიდან. თვის ბოლოსთვის უკვე გვექნება პირველი პაკეტი იმ გაუმჯობესებისა, რომლის საჭიროებაც ამ პერიოდში გამოიკვეთება. ძალიან მცირე დროა გასული, რომ დასკვნები გაკეთდეს, თუმცა სამინისტრო არის სამუშაო პროცესში, რათა სისტემა უფრო მოქნილი გახდეს,“ – განაცხადა თამარ გაბუნიამ.
თამარ გაბუნიას ინფორმაციით, რამდენიმე კლინიკამ განაცხადა, რომ საყოველთაო ჯანდაცვის პროგრამაში ჩართვა არ სურდა და მათ საყოველთაო ჯანდაცვის პროგრამა დატოვეს.
„რამდენიმე კლინიკამ ნამდვილად დატოვა საყოველთაო ჯანდაცვის პროგრამა, თუმცა მათი რაოდენობა ბევრი არ არის, რეალურად, ერთეულია. ისინი მანამდეც ლიმიტირებული ჩართულობით მონაწილეობდნენ სახელმწიფო პროგრამაში. გაკეთდა განცხადება, რომ პროგრამაში მუშაობის გაგრძელების ინტერესი არ აქვთ, რაც, რა თქმა უნდა, მათი არჩევანია,“ – აღნიშნა თამარ გაბუნიამ.
კლინიკა
