2024 წლისთვის Twitter-ი 32,7 მილიონ მომხმარებელს დაკარგავს, რაც პლატფორმის მომხმარებლების თითქმის 1/10-ია. ამჟამად Twitter-ს 368,4 მილიონი გამომწერი ჰყავს.
ამის შესახებ ანალიტიკური კომპანია Insider Intelligence-ის ანგარიშშია ნათქვამი. ექსპერტების აზრით, Twitter-ის მომხმარებელთა ფართომასშტაბიანი გადინების მთავარი მიზეზი ახალი მფლობელის ქაოსური მართვის სტილია.
ანალიტიკოსებმა აღნიშნეს, რომ მასკმა ბევრი თანამშრომელი დაითხოვა და ის ხერხემალი, რომელიც დარჩა ამხელა პლატფორმის მოდერაციისა და ტექნიკური გამართულობისთვის სათანადო ხარისხს ვერ უზრუნველყოფს.
შეგახსენებთ, რომ ილონ მასკმა Twitter-ის შეძენიდან რამდენიმე დღეში კომპანიის თანამშრომლების ნახევარი - 7500-დან დაახლოებით 3700 გაათავისუფლა. შემცირების ქვეშ მოექცა გუნდის თანამშრომელთა მეოთხედი, რომელიც მოდერაციასა და დეზინფორმაციასთან ბრძოლაზეა პასუხისმგებელია.
მოხსენების თანახმად, მომხმარებლთა გადინება დაწყებულია. თუმცა, ეს პროცესის კულმინაციას 2023 წელს მიაღწევს.
ამასობაში, ილონ მასკმა Twitter 2.0 დააანონსა. მასკის ახალი კონცეფციის მიხედვით, Twitter-ი „ყველაფრის აპლიკაცია“ გახდება. მალე შესაძლებელი იქნება გრძელი ტექსტების მიმაგრება და აუდიო და ვიდეო ზარების Direct Messages-ის საშუალებით განხორციელება. Twitter 2.0-ს ინტერაქციული რეკლამაც დაემატება.