ზაფხულის ან ზამთრის ოლიმპიურ თამაშებზე მოპოვებული მედლების რაოდენობისთვის ბევრი ქვეყანა მათ სპორტსმენებს ფულად ჯილდოს სთავაზობს.

მაგალითად, სინგაპური თავის სპორტსმენ ოქროს მედალოსნებს თითქმის 20-ჯერ მეტს უხდის, ვიდრე ამერიკა.

სინგაპური, საქართველოს მსგავსად, ოქროს მედლის მფლობელს ერთი მილიონი ეროვნული ვალუტით აჯილდოვებს. თუმცა სხვადასხვა ქვეყანაში, ჯილდოს სახით სხვადასხვა ოდენობის თანხაა გამოყოფილი. საინტერესოა, რამდენს გამოიმუშავებენ სპორტსმენები პეკინის ოლიმპიადაზე მოპოვებული მედლების მიხედვით?

2022 წლის ზამთრის ოლიმპიურ თამაშებზე 200-ზე მეტი მედალი უკვე გაიცა.

ოლიმპიური მედლების ბონუსები

სინგაპური:

ოქრო - 737 000 დოლარი; ვერცხლი - 369 000 დოლარი; ბრინჯაო - 184 000 დოლარი

ყაზახეთი:

ოქრო - 250 000 დოლარი; ვერცხლი - 150 000 დოლარი; ბრინჯაო - 75 000 დოლარი

მალაიზია:

ოქრო - 236 000 დოლარი; ვერცხლი - 71 000 დოლარი; ბრინჯაო - 24 000 დოლარი

იტალია:

ოქრო - 213 000 დოლარი; ვერცხლი - 107 000 დოლარი; ბრინჯაო - 71 000 დოლარი

ფილიპინები:

ოქრო - 200 000 დოლარი; ვერცხლი - 99 000 დოლარი; ბრინჯაო - 40 000 დოლარი

ბრაზილია:

ოქრო - 49 000 დოლარი; ვერცხლი - 29 000 დოლარი; ბრინჯაო - 20 000 დოლარი

იაპონია:

ოქრო - 45 000 დოლარი; ვერცხლი - 18 000 დოლარი; ბრინჯაო - 9 000 დოლარი

აშშ:

ოქრო - 37 500 დოლარი; ვერცხლი - 22 500 დოლარი; ბრინჯაო - 15 000 დოლარი

კანადა:

ოქრო - 16 000 დოლარი; ვერცხლი - 12 000 დოლარი; ბრინჯაო - 8 000 დოლარი

ავსტრალია:

ოქრო - 15 000 დოლარი; ვერცხლი - 11 000 დოლარი; ბრინჯაო - 7 000 დოლარი

აშშ-ს ოლიმპიური და პარაოლიმპიური კომიტეტის მიერ გაღებული საპრიზო თანხის უმეტესი ნაწილი გადასახადისგან თავისუფალია, თუ სპორტსმენები მთლიან შემოსავალს 1 მილიონ დოლარზე მეტს არ აფიქსირებენ. ამასთან, ამერიკელი სპორტსმენები იღებენ სხვა სახის მხარდაჭერას, როგორიცაა ჯანმრთელობის დაზღვევა, უმაღლესი დონის სამედიცინო დაწესებულებებზე წვდომა და კოლეჯის სწავლის დახმარება.

აღსანიშნავია, რომ სინგაპური თავის ოქროს მედალოსნებს აშშ-ზე თითქმის 20-ჯერ მეტს უხდის. თუმცა, გამარჯვებულებს მოეთხოვებათ თანხის ნაწილი დაუბრუნონ თავიანთ ეროვნულ სპორტულ ასოციაციებს, მომავალი ვარჯიშისა და განვითარებისთვის.

წყარო - cnbc.com, bpn.ge