საერთაშორისო სავალუტო ფონდმა (IMF) საქართველოსთვის ახალი სამწლიანი პროგრამა დაამტკიცა, რომელიც საჭიროების შემთხვევაში $280-მილიონიანი დაფინანსების გამოყოფას ითვალისწინებს. თუმცა პროგრამას თან ახლავს მემორანდუმის მუხლები, რომელთაც ხელს ეროვნული ბანკის პრეზიდენტი, ფინანსთა და ეკონომიკის მინისტრები აწერენ.
საქართველოს მთავრობა პირობას დებს, რომ პროგრამის შემდეგი პუნქტები, 3 წლის განმავლობაში განხორციელდება:
- რუსეთ — უკრაინის ომის დეესკალაციის პირობით, საქართველოს ეკონომიკა მოსალოდნელია აღდგეს 2023 წელს, ხოლო 2024 წლისთვის დაახლოებით 5 პროცენტამდე იქნება.
- ინფლაცია მნიშვნელოვნად დაჩქარდა 2021 წელს და მოსალოდნელია, რომ წელს მაღალი დარჩება. რუსეთ-უკრაინის ომთან დაკავშირებული საქონლისა და სურსათის მსოფლიო ფასების ზრდის შედეგად, საშუალო ინფლაცია მოსალოდნელია, რომ 2022 წელს 10.9 პროცენტამდე გაიზრდება. ინფლაციის სამიზნე მაჩვენებელს 2023 წლის ბოლოს მიუხლოვდება.
- 2021 წელს მიმდინარე ანგარიშის დეფიციტი მშპ-ს 9,8 პროცენტამდე შემცირდა. საშუალოვადიან პერსპექტივაში რეზერვების დაგროვების ხარჯზე, მიმდინარე ანგარიშის დეფიციტი სავარაუდოდ 2025 წლისთვის მოსალოდნელია მშპ-ს 6 პროცენტზე დაბლა აღმოჩნდეს.
- მთლიანი მთავრობის ვალი საშუალოვადიან პერიოდში მშპ-ს 45 პროცენტამდე შემცირდება და ადგილობრივ ვალუტაში დენომინირებული ვალის წილი გაიზრდება.
- 2023 წლისთვის ბიუჯეტის დეფიციტის 3%-მდე შემცირება.
- მთავრობა მიიღებს ახალ პროგრამას, რომლის ბიუჯეტიც ქვეყნის მშპ-ის 0.2% იქნება და რომელიც შემწეობის მიმღებ ოჯახებს ბენეფიტებს გაუზრდის.
- ფერმერებს სახელმწიფო სასუქების ვაუჩერებს დაურიგებს, რომლებიც სოფლად მცხოვრები იმ ადამიანებისთვის იქნება, რომლებსაც საკუთარი თავისთვის მოჰყავთ მოსავალი.
- სახელმწიფო საწარმოების რეფორმები აქტიურად გაგრძელდება.
- ენერგეტიკაში PPA მექანიზმის ჩამნაცვლებელი მოდელის მიღება მოხდება, რომელმაც ამ სექტორში მდგრადი ინვესტიციები უნდა უზრუნველყოს, რაც უზრულველჰყობს საქართველოს ელექტროენერგიის გამომუშავების შესაძლებლობებს ფისკალურად მდგრადი გზით.
- კაპიტალის ბაზრის განვითარების გაგრძელება. პარლამენტმა მიიღო საინვესტიციო ფონდების შესახებ კანონმდებლობა და ცვლილებები ფასიანი ქაღალდების შესახებ, ასევე ეროვნულმა ბანკმა სრულად განაახლა კაპიტალის ბაზრის მარეგულირებელი ჩარჩო.
მოამზადა ნინო თამაზაშვილმა
IMF
