მარსების ოჯახი, მემკვიდრეობით ერგო რა შოკოლადის საწარმო Mars, Inc., ერთ–ერთი უგემრიელესი იმპერიის სათავეში მოექცა. კომპანიამ სახელი Snickers, Mars, Milky Way, Twix და M&M’s–ით გაითქვა. თუმცა, ამის გარდა ცხოველთა მოვლის პროდუქციას, სასმელებსა და საღეჭ რეზინებსაც აწარმოებს.
კომპანია 107 წლისაა და ამ ხნის განმავლობაში მარსების ოჯახმა, Bloomberg-ის ვერსიით, $127 მლრდ გამოიმუშავა. ოჯახის 6 წევრი პლანეტის 400 უმდიდრესი ადამიანების სიაშია. აშშ–ის ყველაზე უზრუნველყოფილი დინასტიების რეიტინგში მარსები მესამე ადგილს იკავებენ.
თუმცა, ასეთი მდიდარი ოჯახი გულმოდგინედ არიდებს თავს პრესასთან ერთიერთობას და ცნობისმოყვარე თვალებისგან შორს ამჯობინეს ცხოვრება.
საგვარეულო სიმდიდრე Mars, Inc.–ის შოკოლადის ბიზნესით დააგროვეს. კომპანიის დამაარსებელი ფრენკ მარსი შოკოლადის ხელოვნებას ბავშვობიდან სწავლობდა. 1911 წელს შოკოლადის რეალიზაცია მან ვაშინგტონის შტატის პატარა ქალაქ ტაკომაში, თავისი სამზარეულოს ფანჯრიდან დაიწყო.
ნუგის შიგთავსიანი პირველი შოკოლადის პატონიდან იღებენ სათავეს Milky Way და Snickers.
შემდეგ კომპანიას შოკოლადის რამდენიმე ბატონმა გაუთქვა სახელი: Mars, 3 Musketeers, Twix და M&M’s–ის კარფეტები. ამერიკაში ყოველდღიურად M&M’s–ის 400 მლნ დრაჟე იწარმოება.
რატომ ასაიდუმლოებს ოჯახი ბიზნესს?
კომპანიის მფლობელებმა თავისი ბიზნესის მონაცემების დაფარვა მას შემდეგ დაიწყეს, რაც ფორესტ–უფროსმა ბრინჯის Uncle Ben’s დამუშავების მეთოდი დააპატენტა, ხოლო ეს ფაქტი ამერიკის არმიას არ მოეწონა. მას შემდეგ ფორესტ–უფროსი ფოტოგრაფებსაც გაურბოდა და ინტერვიუების მიცემაც შეწყვიტა.
მშობლებისგან განსხვავებით, ფორესტ–უფროსი უფრო ეკონომიური იყო. შვილებსაც ასე ზრდიდა. მიუხედავად იმისა, რომ ფასიან სკოლა–პანსიონში სწავლობდნენ, ოჯახურ საქმეებს თავად აკეთებდნენ და ამით ჯიბის ფულს გამოიმუშავებდნენ.
ფორესტ–უფროსის გარდაცვალების შემდეგ, 1999 წელს, კომპანიის წილები მემკვიდრეობით მისმა შვილებმა ჟაკლინმა, ჯონმა და ფორესტ–უმცროსმა მიიღეს. ფორესტ–უფროსი 2016 წელს გარდაიცვალა. დღეს კომპანია ჟაკლინისა და ჯონის საკუთრებაა, თუმცა აქტიურ მართვაში არ მონაწილეობენ. ისინი, ფორესტ უფროსის ოთხ ქალიშვილთან ერთად ფლობენ ოჯახის უძრავი ქონების უდიდეს ნაწილსაც. თითოეულ მათგანს ანგარიშზე $24 მლრდ ერიცხება.
მარსების ოჯახის ექვსივე წევრის ჯამური ქონევა 72 მლრდ. დოლარს შეადგენს. ყველა მარსებს შორის ჟაკლინი ერთად-ერთია, რომლის ცხოვრების წესი მილიარდერის სტატუსს შეეფერება. მისი ვილა ნიუ-ჯერსიში 2 მლნ. დოლარი ღირს, ის ასევე ფერმას ვირჯინიაში და პენტჰაუსს ვაშინგტონში ფლობს.
ისევე, როგორც მარსების ოჯახის სხვა წევრები, ჟაკლინიც საგულდაგულოდ მალავს თავის პირად ცხოვრებას - 2013 წელს ის ავარიაში მოხვდა, თუმცა, სკანდალი ამ ინციდენტიდან არ გამოვიდა - ჟაკლინი არც მთვრალი იყო და არც ნარკოტიკების ზემოქმედების ქვეშ - უბრალოდ საჭესთან ჩაეძინა.
ავარია საკმაოდ მძიმე შედეგების დასრულდა - მანქანაში, რომელსაც ის შეეჯახა, ერთი ადამიანი დაიღუპა, მეორეს მუცელი მოეშალა, რამდენიმემ ტრავმები მიიღო. ჟაკლინ მარსმა თავისი დანაშაული აღიარა, თუმცა, დაზარალებულებმა მისი დაპატიმრება არ მოითხოვეს და მილიარდერი ციხეს გადაურჩა.
ამჟამად ჟაკლინ მარსის შვილი სტივენ ბაჯერი Mars, Inc.-ს დირექტორთა საბჭოს ხელმძღვანელობს და მეტი საჯაროობის გზით მიდის - ასეა საჭირო კლიენტებისთვის და ნიჭიერი კადრების მოზიდვისთვის.
„ჩვენი ოჯახის ისტორიის დიდი ნაწილის მანძილზე ჩვენი ცხოვრება ნაკლებად საჯარო იყო, თუმცა, დრო შეიცვალა“, - მიიჩნევს ბაჯერი.
ჟაკლინის ძმაზე, ჯონზე თითქმის არაფერია ცნობილი - 2015 წელს ბრიტანეთის დედოფალმა მას რაინდის წოდება მიანიჭა და ამჟამად ის საქველმოქმედო ფონდ Mars Foundation-ს ხელმძღვანელობს, რომელიც ძირითადად საგანმანათლებლო, კულტურულ, ეკოლოგიურ და სამედიცინო პროგრამებს აფინანსებს.
მარსების ოჯახის წევრებს, ისევე როგორც მათ მშობლებს, არ უყვართ საჯაროობა და ზედმეტი ფუფუნება.
„ჩვენს ოჯახში ეს ჩვეულებრივი ამბავი იყო. არასდროს არ მიგრძვნია, რომ თანატოლებისგან განვსხვავდები. ჩვეულებრივად დავდიოდით სკოლაში, სახლს ვალაგებდით, და საჭმელსაც ვიმზადებდით, ვცხოვრობდით ისევე, როგორ ჩვენი მეგობრები და თანატოლები“, - ყვება ფორესტ-უმცროსის ქალიშვილი პამელა მარსი.
დღეს Mars. Inc. ძირითადად 4 მიმართულებით მუშაობს - ცხოველების მოვლის პროდუქცია, საკონდიტრო ნაწარმი, კვების პროდუქტები და ტექნოლოგიები. 2008 წელს კომპანიამ საღეჭი რეზინის მწარმოებელი Wrigley 23 მლრდ. დოლარად შეიძინა, 2014 წელს კი ცხოველების კვების მწარმოებელი Iams და ამავე დარგის კიდევ ორი ბრენდი ჯარუმად 25 მლრდ. დოლარად იყიდა.
სადღეისოდ Mars. Inc სიდიდით მეხუთე კერძო კომპანიაა შტატებში, მისი ღირებულება 35 მლრდ. დოლარია. ამბობენ, რომ კომპანიის წარმატება 5 პრინციპს ეფუძნება - ხარისხს, პასუხისმგებლობას, ეფექტურობას, თავისუფლებას და ურთიერჩართულობას.
კომპანია მხარს უჭერს აშშ-ის ოლიმპიურ ნაკრებს, ეროვნულ სპორტულ ბიბლიოთეკას, სახვითი ხელოვნების მუზეუმს, სმიტსონის მუზეუმს, და ამერიკის პრერიების ნაკრძალს.
„ჩვენი ოჯახის აზრით, თუ ღირსეული მომავლის აშენებას გსურს, მხარი უნდა დაუჭირო ყველაფერ კარგს და ჩვენი კომპანია ამას ყოველდღიურად აკეთებს, მოგების დიდ ნაწილს ჩვენ თავად კომპანიაში და საქველმოქმედო საქმიანობაში ვაბანდებთ“, - ამბობენ მარსები.
2017 წელს Mars. Inc-მა გაეროს მდგრადი განვითარების მიზნების რეალიზების პროგრამაში 1 მლრდ. დოლარი ჩადო.
იმის მიუხედავად, რომ ბოლო წლებში მარსების ოჯახი მეტ გახსნილობას ავლენს და პრესასთან კონტაქტზე მიდის, ის მაინც კარჩაკეტილობის სიმბოლოდ რჩება.
„ჩვენ მივიჩნევთ, რომ ეს ოჯახური და, რაც მთავარია, პრივატული ბიზნესია და ეს მიდგომა არასდროს შეიცვლება“, - ამბობს პამელა მარსი.
წყარო: mc.today
მარსი
