ადგილობრივ ბაზარზე მოცვის ფასი განახევრებულია. თუ შარშან ერთი კილოგრამი პროდუქტის ფასი 26 ლარს აღწევდა, წელს მისი ღირებულება 10-12 ლარს შეადგენს.
როგორც შპს „მოცვის“ დამფუძნებელმა ზვიად მირიანაშვილმა „ბიზნესპრესნიუსთან“ საუბრისას განმარტა, ამას ორი მიზეზი აქვს: ერთი, ის, რომ ქვეყანაში მოცვის წარმოება გაიზარდა, ფერმერების დიდი ნაწილს კი საერთაშორისო სერთიფიკატი არ აქვს, შესაბამისად, ექსპორტზე ვერ გააქვთ; მეორე მიზეზი კი უამინდობაა. ზვიად მირიანაშვილის თქმით, მოსავლის აღება დაგვიანდა, პროდუქტის ხარისხი საგრძნობლად გაუარესდა, რის გამოც ფერმერები იძულებული არიან მოცვი ადგილობრივ ბაზარზე გაყიდონ, რადგან მისი ქვეყნიდან ტრანსპორტირება ვერ განხორციელდება.
„ჩემი აზრით, ადგილობრივ ბარზე ფასების ვარდა მომავალ წლებშიც გაგრძელდება. იმიტომ, რომ ძალიან ბევრი მოცვი გაშენდა საქართველში და ფერმერების უმეტესი ნაწილი არა რის მზად, საკუთარი პროდუქცია ექსპორტზე გაიტანოს. ამიტომ, მათი მიერ წარმოებული მოცვის რეალიზაციის ერთადერთი გზა ადგილობრივი ბაზარია.
გარდა ამისა, წელს იყო უამინდობა, მთელი სეზონის განმავლობაში, წვიმებს ფაქტობრივად, არ გადაუღია, დასავლეთ საქართველოში და ახლაც გრძელდება. ამან გამოიწვია ის, რომ მოცვის ხარისხი საგრძნობლად გაუარესდა. შედეგად, მოცვი ტრანსპორტირებადი აღარ იყო. ექსპორტზე კი, გადამწიფებული და მუდმივად წვიმების ქვეშ მყოფი პროდუქტის გატანა, შეუძლებელია. მალფუჭებადია. ამ ყველაფერმა ერთად გამოიწვია ის, რომ ადგილობრივ ბაზარს ძალიან დიდი რაოდენობით სარეალიზაციო მოცვი მოაწვა, თუმცა მოხმარება იმდენად არ გაზრდილა. შესაბამისად, ფასი შემცირდა“,- ამბობს ზვიად მირიანაშვილი.
მოცვი
