რეალითი შოუ სახელად Love is Blind-ის მონაწილე Netflix-ს უჩივის. მისი თქმით, აიძულებდნენ ნასვამ, მშიერ და უძილო მდგომარეობაში გადაეღოთ მისთვის.

ჯერემი ჰარტველი Netflix-ს და შემოქმედებით ჯგუფს „არაადამიანური სამუშაო პირობების გამო“ და საარსებო მინიმუმზე დაბალი ანაზღაურებისთვის უპირისპირდება.

ჰარტველმა CNN-თან საუბრისას განაცხადა, რომ მონაწილეები იზოლაციაში იმყოფებოდნენ 24 საათის განმავლობაში, არცერთი პერსონალური ნივთები არ გააჩნდათ, უწევდათ საათობით ლოდინი წყლისთვის და საჭმლისთვის. ალკოჰოლი კი ყოველთვის ხელმისაწვდომი იყო პროექტის განმავლობაში.

„კომბინაცია უძილობის, იზოლაციის, საჭმლის ნაკლებობის, და ალკოჰოლის ჭარბი რაოდენობით მიღების წახალისებამ ხელი შეუწყო არაადამიანური სამუშაო გარემოს შექმნას და შეცვალა მონაწილეების ფსიქიკური მდგომარეობა“- განაცხადა ჰარტველმა

საანგარიშო მოხსენების თანახმად, ჰარტველს და სხვა მეორე სეზონის მონაწილეებს 1000 დოლარი ჰქონდათ შემოსავალი კვირაში, მაგრამ მათ უნდა ემუშავათ 20 საათი დღეში. ჰარტველი ამბობს, რომ 7.14 დოლარი ჰქონდა შემოსავალი საათში, რაც ლოს ანჯელესის საარსებო მინიმუმზე დაბალი ანაზღაურებაა(15 დოლარი).

Business Insider-ის სტატიაში ასევე ნახსენებია, რომ თუ მონაწილე გადაწყვეტდა შოუს დატოვებას იქამდე ვიდრე გადაღება არ იქნებოდა დასრულებული მონაწილეს 50,000 დოლარის გადახდა მოუწევდა ჯარიმის სახით.