2022 წლის 12 თვეში ბანკებმა ჯამში 1.9 მლრდ ლარამდე წმინდა მოგება გამოიმუშავეს. სექტორის წარმომადგენელთა უმეტესობამ მეოთზე კვარტალში მოგებაზე გასვლა შეძლო, გასული წელი წაგებით ქართული საბანკო სექტორის ოთხმა წარმომადგენელმა „ვითიბი ბანკმა“, „სილქ როუდ ბანკმა“ „პაშა ბანკმა“, „პეისერა საქართველომ“ დაასრულა. ყველაზე დიდი, 51 მლნ ლარის ზარალი „ვითიბის“ აქვს, მაშინ როდესაც გასული წლის ანალოგიურ პერიოდში ბანკი მოგებაზე იყო. ზარალიანი ბანკების რეიტინგში მეორე ადგილას „პაშა ბანკია“ , რომელსაც არც გასულ წლებში ჰქონია მოგება, მესამე ადგილას „სილქ ბანკია“, ხოლო მეოთხეზე ბაზარზე ახლადშესული „პეისერა“, რომელსაც საოპერაციო საქმიანობა ჯერ არ დაუწყია.
კომერციული ბანკების რეიტინგი მოგება/ზარალის მიხედვით (2022 წლის 12 თვე):
• თიბისი ბანკი - 967,251,772 ლარი
• საქართველოს ბანკი - 924,342,950 ლარი
• ბაზის ბანკი - 53,210,417 ლარი
• ლიბერთი ბანკი - 66,939,612 ლარი
• პროკრედიტ ბანკი - 46,056,825 ლარი
• ტერა ბანკი - 27,859,725 ლარი
• ქართუ ბანკი - 46,386,743 ლარი
• კრედო ბანკი - 30,662,512 ლარი
• იშ ბანკი - 16,734,547 ლარი
• ხალიკ ბანკი - 10,105,451 ლარი
• ზირაათ ბანკი - 6,102,205 ლარი
• ვითიბი ბანკი - ზარალი 51,303,739 ლარი
• პაშა ბანკი - ზარალი 2,131,967 ლარი
• სილქ ბანკი - ზარალი 2,883,983 ლარი.
• პეისერა ბანკი საქართველო — ზარალი 269,855 ლარი.
„ვითიბი ბანკის“ ზარალის მიზეზი „ვითიბი ბანკი საქართველოს“ იმ რუსულ ბანკებს შორის მოხვედრა იყო, რომლებზეც რუსეთის მიერ უკრაინაში განხორციელებული საომარი მოქმედებების გამო აშშ-ის, დიდი ბრიტანეთის, ევროკავშირისა და სხვა ქვეყნების მიერ დაწესებული სანქციები გავრცელდა. სანქცირებულმა „ვითიბი ბანკმა“ საქართველოში ფიზიკური და იურიდიული პირების პორტფელი გაასხვისა. გარიგების შედეგად, საცალო პორტფელი „ბაზის ბანკმა“, მცირე და საშუალო ბიზნესის კი „ლიბერთიმ“ გადაიბარა.
„პაშა ბანკი“ ზარალზე წინა წლებშიც გადიოდა. პამდემიის დროს სესხების შესაძლო დანაკარგებისთვის ერონულმა ბანკმა საბანკო სექტორს სარეზერვო ბუფერი დააკისრა, სწორედ ამიტომ 2020-ის გაზაფხულზე „პაშა ბანკმა“ 317 მლნ ლარის პორტფელზე 20 მლნ-მდე რეზერვი შექმნა.
„სილქ ბანკი“ კი ერთადერთი იყო, რომელმაც პანდემიური წლის მეორე კვარტალი მოგებით დაასრულა, მისი წმინდა მოგება 2020 წლის 6 თვეში 253,512 ლარი იყო, მაშინ როდესაც 2019 წლის ანალოგიურ პერიოდში ბანკი 358,804 ლარის ზარალზე გავიდა. გასულ წელს ბანკმა სახელი შეიცვალა და „სილქ როუდ ბანკის“ ნაცვლად „სილქ ბანკი“ გახდა.
„პეისერა ბანკი საქართველო“ კი საქართველოში პირველი ციფრული ბანკია, რომელიც ამ ეტაპზე სატესტო რეჟიმში მუშაობს. საბანკო საქმიანობების რეალურ რეჟიმში განხორციელების უფლებამისილების მინიჭება, სალიცენზიო მოთხოვნების შესრულების კვალდაკვალ და საქართველოს ეროვნული ბანკის მიერ გაცემული თანხმობის საფუძველზე, ეტაპობრივად მოხდება. ციფრული მოდელის გათვალისწინებით, პეისერა საქართველოს მომსახურებით სარგებლობა შესაძლებელი იქნება დისტანციურად ფილიალებისა და სერვის ცენტრების გარეშე.