დიდი შვიდეულის წევრი ქვეყნების მოლაპარაკებები ჩინეთთან და ინდოეთთან რუსული ნავთობის ფასის განსაზღვრაზე პროდუქტიული და პოზიტიური იყო. ამის შესახებ ინფორმაცია სააგენტო Reuters-მა გაავრცელა.
გამოცემის ინფორმაციით, ჩინეთი და ინდოეთი დაინტერესებულნი არიან რუსული ნავთობის ფასის შეზღუდვით. სააგენტოს წყაროს ცნობით, ამ დროისთვის არ არის ზუსტად განსაზღვრული რუსული ნავთობის ფასის ჭერი, თუმცა ახალი ფასი არ უნდა იყოს ისეთი, რომ რუსეთს შეუნარჩუნდეს ნავთობის მოპოვების სტიმული.
დიდი შვიდეულის სამიტზე მიღებულ კომუნიკეში წერია, რომ ჯგუფის ლიდერები თანხმდებიან რუსული ნავთობის ფასის განსაზღვრაზე მათი ზღვით გადატანის მომსახურების აკრძალვის გზით, თუ ეს ფასი აღემატება ჭერს, რომელიც დადგენილია საერთაშორისო პარტნიორებთან.
ნავთობის ფასის ჭერის განსაზღვრის შესახებ სამიტის ფარგლებში მანამდე მოწოდებები გააკეთეს ევროკავშირის ლიდერებმა ურსულა ფონ დერ ლაიენმა და შარლ მიშელმა, ამისთვის კი აუცილებელია კოალიციის ფორმირება, რომელიც მოიცავს არა მხოლოდ ევროკავშირის ქვეყნებსა და შტატებს.
როგორც ცნობილია, დასავლეთის მიერ რუსულ ნავთობზე დაწესებულმა ემბარგომ ეს პროდუქტი მსოფლიო ბაზარზე მკვეთრად გააძვირა, რამაც რუსეთს საშუალება მისცა ნედლეულის მსხვილი მოცულობები სხვა ბაზრებზე გადაემისამართებინა, პირველ რიგში კი ინდოეთსა და ჩინეთზე. შედეგად კი რუსეთმა, რომელმაც ამ ეპრიოდში მოცულობით უფრო ნაკლები ნავთობი გაყიდა, შეძლო მეტი შემოსავლის მიღება, მაშინ როცა ევროკავშირსა და შტატებში ინფლაციურმა პროცესებმა მოსახლეობის ჯიბეს მნიშვნელოვანდ დაარტყა.
ნავთობი
