ევროკავშირის ქვეყნებისა და კანადის შემდეგ, პრეზიდენტ ჯო ბაიდენის გადაწყვეტილებით რუსულ გემს ამერიკულ პორტებში შესვლაც აეკრძალათ. აკრძალვა შეეხებათ როგორ რუსეთის დროშის ქვეშ მცურავ ხომალდებს, ასევე რუსული კომპანიების საკუთრებაში არსებულ სხვა გემებზეც. ინფორმაციას ამის შესახებ Reuters ავრცელებს. 2021 წელს ამერიკულ პორტებში რუსული გემები 1800-ჯერ შევიდნენ.
რუსული გემების მიღება პირველ მარტს კანადამ აკრძალა. კანადას მარტსა და აპრილში ევროპის ქვეყნები მიჰყვნენ. დღეს კი სიას შეერთებული შტატებიც დაემატა. იმ სახელმწიფოთა ჩამონათვალი, რომლებმაც რუსეთს ცა ჩაუკეტეს კიდევ უფრო ვრცელია. რუსეთის საზარი ჩაიკეტა სატვირთო ავტომობილებისთვისაც.
სატრანსპორტო შეზღუდვა სანქციათა პაკეტის მხოლოდ ერთი ნაწილია. რუსულ გაზსა და ნავთობზე ინდივიდუალურად რამდენიმე სახელმწიფომ უკვე თქვა უარი, მაგრამ მათზე ოფიციალური სანქციები ჯერ არ გავრცელებულა. თუმცა უკრაინაში ინტერვენცია გრძელდება და სავარაუდოდ ეს დროც მალე დადგება. ენერგორესურსების გაყიდვით რუსეთი ექსპორტიდან მიღებული შემოსავლების ნახევარზე მეტს აგენერირებს, იმ შემთხვევაში თუ ემბარგო მასზეც გავრცელდა, ეკონომიკური ვარდნა კიდევ უფრო მასშტაბური იქნება და შესაძლოა საბჭოთა კავშირის დაშლის შემდეგ ადრეული 90-იანების რეკორდიც მოხსნას.
gemi
