“რიკო ექსპრესში” თამასუქის გატანის პირობები შეიცვალა. დღეიდან ლარში დახურული თამასუქის მომხმარებელს სრული თანხის გატანა 6 თვის მაგივრად 3 თვეში შეუძლია, ხოლო საპროცენტო სარგებელი პირველივე თვიდან ხელმისაწვდომია.

როგორც კომპანიაში განმარტავენ, “რიკო ექსპრესი” უკვე 13 წელია მომხმარებელს თამასუქის ყველაზე სარგებლიან პირობებს სთავაზობს, გასულ წელს კი, ორგანიზაციის წმინდა მოგებამ 34,277,399 ლარი შეადგინა, რაც მთლიანად მიკოსაფინანსო სექტორის დაახლოებით 87%-ია.

“ჩვენ ყოველთვის ორიენტირებულები ვართ მომხმარებლის ინტერესებზე, ამას ადასტურებს ახალი პირობებიც. ჩვენ ასევე გვაქვს ქვეყანაში საუკეთესო საპროცენტო განაკვეთი როგორც ლარის, ასევე ევროსა და დოლარის თამასუქებზე.” - აცხადებს “რიკო ექსპრესის” სამეთვალყურეო საბჭოს თავმჯდომარემ ლაშა ნიკოლეიშვილი.

დღესდღეობით რიკო ექსპრესში ფასიანი ქაღალდის საპროცენტო სარგებელი დახურული თამასუქისთვის ლარში 10%, დოლარში 5%, ხოლო ევროში 2%-ია, რაც შეეხება ღია თამასუქს, საპროცენტო სარგებელი ლარში 7%, ხოლო დოლარში 3%-ია.

აღსანიშნავია, რომ “რიკო ექსპრესი” ბაზარზე 1997 წელს გამოჩნდა, 2008 წლიდან კი გასცემს როგორც ღია, ასევე დახურული ტიპის თამასუქს სამ ვალუტაში: ლარში, დოლარსა და ევროში. „რიკო ექსპრესში“ თამასუქის მინიმალური ღირებულება თითოეული ვალუტისთვის 100 000 ლარის ექვივალენტია.

(R)