15 ივნისს დაანონსებული შიდა ფრენები კვლავ გადაიდო. ავიაკომპანიები მზად არიან ადგილობრივი მიმართულებებით ფრენების აღდგენისთვის, თუმცა, „საქართველოს აეროპორტების გაერთიანებისგან“ ნებართვის მიიღებას ამ დრომდე ელოდებიან.
რატომ ჭიანურდება პროცესი და როდიდან აღდგება ქვეყანაში შიდა ფრენები, ამის გარკვევა „კომერსანტმა“ საქართველოს აეროპორტების გაერთიანებაში სცადა. „მთავრობის დადგენილებას ველოდებით, რის შემდეგადაც განახლდება ფრენები. ჯერ არ მიგვიღია ინფორმაცია ფრენასთან დაკავშირდებით და არც სავარაუდო დრო არ ვიცით“,-აცხადებენ „აეროპორტების გაერთანებაში“.
აეროპორტის მხრიდან ფრენების განრიგზე შეტყობინებას ელოდება „ვანილა სქაი“, რომელმაც 15 ივნისიდან დაანონსებული ფრენები, თბილისი-ბათუმი; ნატახტარი - მესტია; ნატახტარი - ამბროლაურის მიმართულებით, გაურკვეველი დროით გადადო.
შეგახსენებთ, რომ საქართველოში შიდა ავიარეისები, რომლებიც კორონავირუსის პანდემიის გამო შეწყდა, 15 ივნისიდან უნდა განახლებულიყო.ამავე პერიოდიდან აღდგა შიდა ტურიზმი და მგზავრთა გადაყვანა რკინიგზით. 1 ივლისიდან კი იგეგმება საერთაშორისო მოგზაურების მიღების აღდგენა.
ნათია ლომიძე