ნამახვანჰესის გარშემო მიმდინარე აჟიოტაჟი თანდათანობით მიინავლა. ევროპის ენერგეტიკული გაერთიანების მიერ წარმართული მედიაციის პირველი ფაზა დასრულდა და მხარეები მიღწეულს აჯამებენ.  რიონის პროტესტის მონაწილეებს უარი უთხრეს მორატორიუმის დაწესებასა და სამუშაოების შეჩერებაზე.  მედიაციის მეორე ეტაპი საკითხის არსებით განხილვას უნდა დაეთმოს და მწვანე ორგანიზაციები ამ პროცესში იმ ევროპული ორგანიზაციების ჩართვას ცდილობენ, რომლებიც წლებია მხარს უჭერენ მწვანეთა სახიფათო მოქმედებებს საქართველოში. ერთ-ერთი ასეთი მსხვილი ორგანიზაცია ეგრეთ წოდებული Dutch Commission - ჰოლანდიის საბჭოა.  სწორედ მათი გამოყენებით ახორციელებდნენ მწვანეები ნენსკრაზე ჰესის მშენებლობის დაბლოკვას.

როგორც ცნობილია, პროექტის განხორციელებისას კომპანია თანადაფინანსებაზე ისეთ მსხვილ ბანკებს მიმართავს, როგორციაა EBRD, ADB და სხვა. ბანკებს ენერგეტიკული პროექტების დაფინანსებაზე თავისი კრიტერიუმები აქვთ და ერთ-ერთი მათგანი აბორიგენი მოსახლეობისთვის განსაკუთრებული პირობების დაწესებაა, თუ ასეთი მოსახლეობა, ანუ დომინანტი ერისგან განსხვავებული მკვიდრი ეთნოსი პროექტის განხორციელების არეალში სახლობს.  რაკი მწვანეებმა ნენსკრას სხვა ნაკლი ვერ მოუძებნეს, დაფინანსების გადაკეტვა სვანების ქართველებისგან განსხვავებულ, აბორიგენ მოსახლეობად გამოცხადებით სცადეს. სწორედ ამ ევროპული ორგანიზაციის ჩართვას ითხოვენ დღესაც მწვანეები მთელი კატეგორიულობით ნამახვანჰესის მედიაციაში, რათა მათი გამოყენებით მოხდეს პროექტის დაბლოკვა.

მკვიდრი მოსახლეობის ინსტრუმენტალიზაციის თემასთან დაკავშირებით უფრო დეტალურად ჯერ კიდევ აპრილის თვეში ლაპარაკობდა კავკასიოლოგი მამუკა არეშიძე უცნობის გადაცემაში. გთავაზობთ ამონარიდებს მისი ინტერვიუდან:

“გარკვეული ძალები ცდილობენ რომ საქართველოში დასავლეთმა ფეხი ვერ შემოადგას და შემოადგას რუსეთმა, ოღონდ არა ტანკებით არამედ ბევრად უფრო მოქნილად, დელიკატურად - მიმდინარეობს ჰიბრიდული ომი. ძალიან სერიოზული ფული იხარჯება, იმაში რომ ქართული ენერგეტიკის განვითარება იყოს ტორპედირებული.  პიკურ საათებში ჩვენ დამოკიდებულ ვართ ჩვენ სამეზობლოზე, რუსეთის გინებაში ვართ და მათ ენერგეტიკას ვიყენებთ.

საქართველოში არსებობს რამოდენიმე არასამთავრობო ორგანიზაცია, რომელიც დაკავებულია იმით, რომ საქართველოში ენერგეტიკა არ განვითარდეს, რაშიც უსინდისო ადამიანები მეორე მხრიდანაც ხელს უწყობენ.

როგორ ახორციეებენ ამას? მაგალითად, კონფერენციაზე გამოვიდა ერთ-ერთი ქართული არასამთავრობო ორგანიზაციის წარმომადგენელი, მაშინ იყო დაძაბული ვითრება ნენსკრას მშენებლობაზე, სვანეთში.

მან წაიკითხა მოხსენება იმის შესახებ, რომ საქართველოში არის ორი ავტოქტონური ეროვნება - მეგრელები და სვანები, დანარჩენი ქართველები არიან სუყველა მოსული, აქედან გამომდინარე ამ ორი ჯგუფისთვის უნდა ამუშვდეს გაეროს შესაბამისი კონვენცია, რომელიც გულისხმობს მცირე ერების უპირატესობას იმ ტერიტორიაზე, სადაც ისინი ცხოვრობენ, ანუ გადაწყვეტილების მიღება უნდა შეეძლოთ მხოლოდ მათ. ეს კონვენცია შექმნილი იყო ინდიელებისთვის, ავსტრალიერი აბორიგენებისთვის, ჩრდილოეთის  ხალხებისთვის, სადაც ტერიტორიები იყო კოლონიზირებული.

ეს ქართული არასამთავრობო ორგანიზაცია ითხოვდა, რომ გაეროს კონვენციის ის მუხლი ამუშავებულიყო სხვანებისა და მეგრელების მიმართ. ამით ხდებოდა ნენსკრაჰესის დისკრედიტაცია. იმ ორგანზაციას ვინ აფინანსებდა ნათელი იყო, ეს არის ევროპაში არსებული ფონდი, რომელიც რუსული ფულით ოპერირებს.

საქართველოში ისეა აზელილი ყველაფერი, არსებობენ გულანთებული პატრიოტები, რომელთაც მართლაც შეტკივათ ქვეყანაზე, ბუნებასა და ეკოლოგიაზე გული, მაგრამ ამასობაში ასევე არიან ძალები, რომლებიც სხვისი დაკვეთით მუშაობენ, რათა საქართველოში ენერგეტიკა არ განვითარდეს. ამის გარჩევა და გარკვევა საკმაოდ რთულია.

პლუს ამას ემატება პოლიტიკური ძალები, რომელთაც სურვილი აქვთ, ხელი მოითბონ მსგავს ვითარებაზე.  მაგალითად იმით, რომ საქართველოში არსეობს სალაფიტური მოძრაობა- პოლიტიკური ისლამის განსაკუთრებული ჯგუფები, ადრე იყო პანკისში დღეს კი საქართველოს 5 რეგიონშია, მათ შორის აჭარაში. სააკაშვილი ამ ადამიანებს საკმაოდ ეფექტურად იყენებს, რაც დაძაბულობის კერაა და საზოგადოების გახლეჩვას ისახავს მიზნად. ამის გამოყენება პოლიტიკური პროსტიტუციაა.”

გადაცემის სრული ვერსია იხილეთ აქ:

(R)