კოლეჯის ან უნივერსიტეტის დასრულების შემდეგ იწყება ახალი ეპოქა. ეს არის თვითდამკვიდრების, უშრეტი მუშაობისა და საკუთარი თავის აღმოჩენის წლები. თუმცა, აღტაცებასთან ერთად მალევე მოდის პირველი შოკი, შოკი იმისა, რომ ყველაფერი არც ისე ადვილი ყოფილა, როგორც სტუდენტობისას ჩანდა.

საზოგადოების დიდი ნაწილი საკუთარ ამბიციებს მალე ივიწყებს და რუტინულ სამუშაო პროცესს ეგუება. ნაწილი კი მოხერხებული გადაწყვეტილებებითა და სხვა მნიშვნელოვანი გარდამტეხი მომენტების გამო, საკუთარ დასახულ მიზანს, თუნდაც ნაწილობრივ მაინც აღწევს. ამას ფინანსური სარგებელიც მოაქვს. სწორედ თვითმყოფადი მილიონერები გვიზიარებენ 5 ყველაზე მნიშვნელოვან გამოცდილებას.

რა გახდა მათი წარმატების მიზეზი? შეიტყვეთ მილიონერების საიდუმლოებები:

1. თვითმყოფადი მილიონერები პატიოსნები არიან

ერთ-ერთი საუკეთესო წიგნი სიმდიდრის შექმნის შესახებ არის თომას ჯ. სტენლის „მილიონერის გონება“. სტენლიმ ასობით მილიონერი გამოკითხა, რათა მათი საიდუმლოებები გაეშიფრა. უმეტესობის თქმით, ყველაზე მნიშვნელოვანი იყო პატიოსნება.

თუ გინდა სიმდიდრის შექმნა, ეს მოხდება ხალხის მეშვეობით. თქვენ უნდა შეძლოთ ბიზნესის კეთება ადამიანებთან ერთად ისე, რომ მათ არ მოატყუოთ.

2. თვითწარმატებულ მილიონერებს აქვთ თვითდისციპლინა

წარმატების ერთ-ერთი თვისება, რომელიც მათ ნამდვილად გამოარჩევს, არის თვითდისციპლინა.

თითქმის ყველა მილიონერი ან წარმატებული ადამიანი აცხადებს, რომ თვითდისციპლინის გარეშე ისინი ვერაფერს შეძლებდნენ.

დიდმა მილიონერმა მაგნატმა რობერტ კიოსაკიმ ერთხელ თქვა: „თვითდისციპლინა არის ნომერ პირველი ფაქტორი, რომელიც განასხვავებს მდიდრებს, საშუალო ფენას და ღარიბებს“.

3. მილიონერები უფრო მეტს მუშაობენ, ვიდრე ადამიანების უმეტესობა

სპორტისა და გართობის ბევრი ტიტანი ამტკიცებს, რომ ერთადერთი გზა, რომლითაც მათ მიაღწიეს პოპულარობას თავიანთ კარიერაში, იყო შრომისმოყვარეობა.

მათ, კი ვისაც სიმდიდრე მშობლებისგან ან წინაპრებისგან არ დარჩა, ბევრად მეტი ძალისხმევის გაწევა უწევს.

4. მილიონერებს მოსწონთ ის, რასაც აკეთებენ

თქვენ მუდმივად გესმით, მიჰყევით თქვენს ვნებას, მიჰყევით თქვენს ოცნებებს. უმეტეს შემთხვევაში, ეს გამოთქმა აღიქმება, როგოც სწრაფვა ბედნიერებისკენ, თუმცა რამდენიმე ძალიან წარმატებულმა ადამიანმა ეს გამოთქმა სხვაგვარად გაიგო - გიყვარდეს ის, რასაც აკეთებ.

უორენ ბაფეტი ამტკიცებდა, რომ ადამიანები, რომლებიც ცხოვრებაში თავიანთ მიზანს პოულობენ და მისკენ სწრაფვა სიამოვნებას ანიჭებთ, ყველაზე იღბლიანები არიან.

5. მილიონერებმა იციან როგორ მოერგონ ბაზარს

ჩვენ დავადგინეთ, რომ თუ გინდა ოდესმე გამდიდრდე, აკეთე ის რაც მოგწონს. ამასთან ერთად, მნიშვნელოვანია, ადამიანმა შეძლოს ბაზარზე ადაპტაცია. თუ გიყვართ ხელოვნების კეთება, მაგრამ თქვენს ბაზარზე თქვენი ხელოვნებისადმი ინტერესი არ არის, მაშინ მზად უნდა იყოთ ადაპტაციისთვის.

წყარო: wealthygorilla.com,  "ბიზნესპრესნიუსი"