უკრაინის წინააღმდეგ, რუსეთის მხრიდან ომის დაწყებიდან თვეზე მეტი გავიდა. აღნიშნულ პერიოდში კი რუს მილიარდერთა უმრავლესობის ქონება შემცირდა.

„ფორბსის“ მილიარდერთა რეიტინგზე დაყრდნობით გთავაზობთ მონაცემებს თუ როგორ შეიცვალა ტოპ-10 რუსი მილიარდერის ფინანსური მდგომარეობა ომის დაწყებიდან ერთ თვეში.

• ვლადიმერ პოტანინი, მიუხედავად ქონების დაკარგვისა, რეიტინგში დღეს 1-ელ ადგილზეა. ომის დაწყებამდე ის 26.9 მლრდ აშშ დოლარს ფლობდა. დღეს კი, 23.3 მლრდ აშშ დოლარს ფლობს.

• ვლადიმერ ლისინი - ის ყველაზე მდიდარი რუსების სიაში მე-2 ადგილზეა. თუ ომის დაწყებამდე მისი ქონება 29.6 მლრდ აშშ დოლარს შეადგენდა, ახლა - 22.2 მლრდ-ია.

• ლეონიდ მიხელსონი - რეიტინგში მე-3 პოზიციაზე და თუ ომის დაწყებამდე 27.2 მლრდ აშშ დოლარს ფლობდა, დღეს 20.6 მლრდ დოლარს ფლობს.

• ვაგიტ ალეკპეროვმა - დღეს - 18.6 მლრდ-ს შეადგენს, მაშინ, როცა ომის დაწყებამდე მისი ქონება 24.8 მლრდ აშშ დოლარი იყო.

• გენადი ტიმჩენკო - 22 თებერვალს ის 23.3 მლრდ აშშ დოლარს ფლობდა. დღეს კი, მისი ქონება - 17.6 მლრდ აშშ დოლარად არის შეფასებული.

• ალექსი მორდაშოვი - ომის დაწყებამდე 28.5 ლრდ აშშ დოლარს ფლობდა, დღეს კი, 17.4 მლრდ-ს.

• ანდრეი მელნიჩენკო - დღევანდელი მდგომარეობით ის 15.1 მლრდ დოლარს ფლობს, მაშინ როცა ომის დაწყებამდე მისი ქონება 27.5 მლრდ აშშ დოლარს შეადგენდა.

• პაველ დუროვი - ომის დაწყების მომენტისთვის 17.2 მლრდ აშშ დოლარს ფლობდა. დღეს კი, მისი ქონება 15.1 მლრდ დოლარად არის შეფასებული.

• ალიშერ უსმანოვი - მისი ქონება ომის დაწყებისთვის 16.8 მლრდ აშშ დოლარი იყო. დღეის მდგომარეობით კი, 13.2 მლრდ-ია.

• მიხეილ ფრიდმანი - ის „ფორბსის“ მილიარდერთა რეიტინგში ომის მიმდინარეობის დროს მოხვდა. მისი ქონება 12.3 მლრდ დოლარად არის შეფასებული, მაშინ როცა დაახლოებით 2 კვირის წინ, 12.1 მლრდ აშშ დოლარს შეადგენდა.

წყარო; „ბიზნესპრესნიუსი“