სატრანსპორტო და ლოგისტიკურ საკითხებზე მომუშავე პლატფორმამ, არასამთავრობო ორგანიზაციამ, Hub-Georgia -მ, ახალი პროექტი City Star-ი შექმნა. როგორც პროექტის ავტორები, ტრანსპორტისა და ლოგისტიკის ექსპერტები, დავით გოჩავა და პაატა ცაგარეიშვილი, "კომერსანტს" უხსნიან, ახალი პროექტის მიზანია, თბილისი გახდეს უკეთესი, მიმზიდველი ცენტრი კავკასიაში. ექსპერტების თქმით, ამისთვის საჭიროა, თბილისში არსებული შენობების ინფრასტრუკტურების განლაგება უნდა შეესაბამებოდეს უმაღლეს სტანდარტებს, რათა ის იყოს მიზიდულობის ცენტრი როგორც რეგიონში, ისე ევროპასა და აზიას შორის დამაკავშირებელი ქალაქი.
Hub-Georgia გამოდის ინიციატივით , თბილისში არსებული შენობა-ნაგებობების ხარისხი ფასდებოდეს ხუთ ვარკსვლავიანი შკალით. თითოეულ ვარსკვლავს აქვს თავისი დანიშნულება:
I - ურბანული ინფრასტრუქტურა.
ობიექტის განლაგება გზებთან მიმართებაში:
არის თუ არა გარშემო საპარკინგე ზონა; რამდენად დაცულია გზის უსაფრთხოება და როგორია შენობასთან მისადგომი.
ობიექტის განლაგება ტრანსპორტის მიმართულებით:
ხელმისაწვდომია თუ არა საზოგადოებრივი ტრანსპორტი: ავტობუსი, მიკროავტობუსი, მეტროსადგური; როგორია მსუბუქი ავტომობილების დატვირთულობა ობუექტის გარშემო.
II - გამწვანება.
რამდენად არის შენობის მიმდებარე ტერიტორია გამწავნებული, არის თუ არა სკვერები,საპიკნიკო ადგილები და ასშ.
III - სკოლები, ბაღები ,გასართობი ადგილები.
არის თუ არა შენობის მიმდებარედ ზემოთ ჩამოთლილი დაწესებულებები.
IV - ხედი.
როგორი ხედით გამოირჩევა შენობა (ქალაქის ცენტრში არსებულ შენობებს რამდენად მისაღები და სასიამოვნო ხედი ექნება)
V - მშენებლობის ხარისხიანობა.
რამდენად არის გამართული შენობა-ნაგებობის ხარისხიანობა , იქნება თუ არა დაცული მაცხოვრებლების უსაფრთხოება და სხვა.
პროექტის მიხედვით, თბილისში არსებული შენობა-ნაგებობა შეფასდება Hub-Georgia - ს ექსპერტებისა და მოწვეული სპეციალისტების მიერ, რათა დაწესებულებებს მიენიჭოთ გარკვეული რაოდენობის ვარსკვლავები. ვარსკვლავები მიენიჭებათ იმ შენობებს , რომლებიც აკმაყოფილებენ მათ მიერ შედგენილ კრიტერიუმებს. მოსახლეობას შეეძლება გაიგოს შეფასების შემდეგ რის მიხედვით აირჩევა ესა თუ ის შენობა-ნაგებობა: კომფორტულია, ხარისხიანია, მისაღებია თუ არა ინფრასტრუქტურა და რამდენად არის შენობის უსაფრთხოების სტანდარტები დაცული.
პროექტზე მუშაობდნენ: HUB-GEORGIA - ს ექსპერტები:
გიორგი კოდუა - არასამთავრებო ორგანიზაცია Hub-Georgia -ს დამფუძნებელი და წევრი.
Hub-Georgia -ს ექსპერტ ანალიტიკოსი და მკვლევარი სამოქალაქო ავიაციის საკითხში.
მიხაელ ვიდერჰოლდ - აღმასრულებელი დირექტორი.
(Executive director), იურისტი.
დათო გოჩავა - ექპსერტი.
პაატა ცაგარეიშვილი - ექპსერტი.
ავტორი: ბელა გელაშვილი