ორმა ახალგაზრდა ქართველმა მეწარმემ - სალომეა მეძმარიაშვილმა და ნინო ბუბნიცკაიამ 4 წლის წინ, 2018 წელს, რუსეთში სასაჩუქრე შეფუთვის კომპანია O Paper Paper-ი დააფუძნეს, ღია ბარათებისა და შესაფუთი ქაღალდების შემდეგ, 2022 წლიდან, ასორტიმენტი გააფართოვეს და ახალი პროდუქტი - სტიკერები გამოუშვეს, რომელიც  ვირუსულად გავრცელდა. O Paper Paper-ის წარმატების ისტორიაზე Forbes-ი წერს.

პირველ წელს პროექტის შემოსავალი 500 000 რუბლი იყო. შემდეგ ბრენდი დიდ სავაჭრო ცენტრებსა და მაღაზიებში გამოჩნდა. 2020 წელს შემოსავალი 5,7 მილიონ რუბლამდე გაიზარდა, 2022 წელს კი - 24 მილიონამდე, 300 000 დოლარამდე.

გამოცემა წერს, რომ მათი ბიზნესის წარმატების ისტორია 2018 წელს დაიწყო, როცა მეგობრებმა Insatgram-ის ექაუნთი შექმნეს, სადაც პროდუქტების ონლაინ გაყიდვა დაიწყეს.

2019 წლის ნოემბერში გამოუშვეს ესკიზების წიგნები ჟურნალ Buro 24/7-თან თანამშრომლობით, მოდის დიზაინერებთან მუშაობდნენ შესაფუთი ქაღალდების დიზაინზე, დაიწყეს ილუსტრაციების ბეჭდვა, ღია ბარათების დამზადება, თანამშრომლობდნენ სხვადასხვა ბრენდებთან, რაც O Paper Paper-ის ცნობადობას ზრდიდა. თანდათან მათი პროდუქცია მარკეტებსა და წიგნის მაღაზიებში გამოჩნდა.

2020 წელს, პანდემიის მიუხედავად, პროექტის შემოსავალი 6 მილიონ რუბლამდე გაიზარდა, საიდანაც 5,3 მილიონი საცალო ვაჭრობაზე მოდიოდა. სტიკერების წარმოება განსაკუთრებით მომგებიანი აღმოჩნდა ბრენდისთვის.

150 ცალი სტიკერების პირველი პარტია გაყიდვაში 2022 წლის მარტში გავიდა - და მყისიერად „დააინფიცირა“ ინსტაგრამი, იხსენებენ მეგობრები. ამას ადასტურებს საიუველირო ბრენდის Lili Archive-ის დამფუძნებელი ლილიანა გრიგალაშვილი და Forbes-ის 30 წლამდე ნომინანტი 2022 წლის მოდისა და დიზაინის კატეგორიაში.

პარტნიორების თქმით, პროდუქტის პოპულარობის მიზეზი შესაძლოა ფსიქოლოგიური ეფექტი იყოს: „სტიკერები არის სიხარული, რომელიც ხელმისაწვდომია“, განაცხადა სალომეა მეძმარიაშვილმა Forbes-თან.

მუდმივი განახლებების წყალობით, მეწარმეებმა მოახერხეს სტიკერების და შესაფუთი ქაღალდის გაყიდვების წილების გათანაბრება. 2023 წლის გეგმა - დუბაის ბაზარზე შესვლაა.

გამოცემა იმასაც წერს, რომ სალომეა მეძმარიაშვილის დედა, ლილია არუთიუნოვა-მეძმარიაშვილი, ფლობს მოსკოვში არსებულ ქართულ რესტორნებს - „სახლი“ და „დარბაზი“ (2022 Michelin-ის გიდის ჯილდოს მფლობელი გახდა). ამასთან, SPARK-ის მონაცემებით, 2016 წლიდან „დარბაზის“ 16.8%-ის მფლობელი სალომე მეძმარიაშვილია.