კარიერული წინსვლა დამოკიდებულია მიზანდასახულობასა და აქტიურობაზე. მაინც, როგორ განვსაზღვროთ შემდეგი კარიერული ნაბიჯი? შემდეგ ხუთ კითხვაზე პასუხის გაცემამ შეიძლება ჩამოაყალიბოს თქვენი გეგმები და ქმედებები მომავალი წლისთვის. მიუხედავად იმისა, რომ ეს სტატია დაწერილია პროფესიური კონტექსტისთვის, კითხვები შეიძლება გამოყენებულ იქნას თქვენს პირად ცხოვრებაშიც.

რამდენად კმაყოფილი ვარ?

პოულობთ თუ არა აზრს და მიზანს თქვენს საქმიანობაში? ღირებულებები არის ის, რაც თქვენთვის მნიშვნელოვანია და არის გასაღები კმაყოფილების შეგრძნებისათვის. ისინი წარმოადგენენ, ვინ ხართ თქვენ. ღირებულებების მაგალითებია თანამშრომლობა, გავლენა, სამართლიანობა, ავტონომია, თავგადასავალი, აღიარება, კრეატიულობა და უსაფრთხოება. სამსახურში თქვენი ღირებულებების გამოხატვა აუმჯობესებს კმაყოფილებას და საქმიანობის შედეგს.

ჩვენი ძირითადი ფასეულობები, როგორც წესი, არ იცვლება დროთა განმავლობაში, მაგრამ იცვლება ღირებულებების შედარებითი მნიშვნელობა და მათი გამოხატვა. მაგალითად, ზოგი ამბობს, რომ ფინანსური უსაფრთხოება მისთვის არასდროს ყოფილა ასეთი მნიშვნელოვანი, სანამ შვილები არ გააჩინა. ამ ღირებულებამ შემდეგ მათი სიის სათავეში გადაინაცვლა. ანალოგიურად, ჩვენ შეიძლება  თავგადასავლების ღირებულება.

მას შემდეგ, რაც ჩამოაყალიბებთ თქვენს მთავარ ღირებულებებს, შეაფასეთ თითოეული ღირებულება „შეაფასეთ 1-10 სკალაზე – რამდენად კარგად შემიძლია ამ მნიშვნელობის გამოხატვა ჩემს სამუშაოში? მაგალითად, თუ შეაფასეთ თქვენი შემოქმედების ღირებულება შვიდი ქულით, მაშინ ჰკითხეთ საკუთარ თავს: „რატომ შვიდი? რასაც მოჰყვება შეკითვა: “როგორი იქნებოდა რვა ან ცხრა ქულის შემთხვევაში? “ამან შეიძლება გამოიწვიოს დისკუსია თქვენს მენეჯერთან, რათა მოძებნოთ გზები ამ ღირებულების მეტი გამოხატვისთვის. ან მენეჯერი ინფორმირებული იყოს პროექტების და როლების შესახებ, რომლებსაც ასრულებთ თქვენს ორგანიზაციაში ან საერთოდ სხვა ორგანიზაციაში.

როგორ ვსწავლობ და ვიზრდები?

თავად სწავლამ შეიძლება მიღწევის მყისიერი გრძნობა მოიტანოს. რამდენად ავითარებთ კომპეტენციას ან გამოცდილებას თქვენს სფეროში ან როლში? ხშირად, ჩვენ ვერ ვაცნობიერებთ რამდენი ვისწავლეთ, სანამ არ დაგვჭირდება სხვას ვასწავლოთ იგივე.რა ცოდნა, უნარები ან თვისებები შეიძინეთ, ბოლო ერთი წლის განმავლობაში? შესაძლოა, თქვენ გაიგეთ მეტი სამთავრობო კონტრაქტის პროცესის შესახებ, გააუმჯობესეთ თქვენი პრეზენტაციის უნარები ან თუნდაც ისწავლეთ მეტი მოთმინება.

რა ტიპის კომპეტენციების განვითარება გსურთ მომავალ წელს? რა ინვესტიციებს განახორციელებთ დროში, ძალისხმევაში ან ფულში (თქვენს ორგანიზაციაში ან პირად ცხოვრებაში)? ჩვენ შეგვიძლია მრავალი ფორმით ვისწავლოთ და განვვითარდეთ. ეს შეიძლება მოიცავდეს ისეთ საკითხებს, როგორიცაა კონფერენციებზე დასწრება, კურსების გავლა, წიგნის კითხვა, სხვებზე დაკვირვება, მენტორებთან შეხვედრა, ამომწურავი დავალების შესრულება, ახალი აზროვნების დანერგვა და თქვენი მიღწეული პროგრესის ასახვა. რა ზომებს მიიღებთ მომავალ წელს, რათა მხარი დაუჭიროთ თქვენთვის სასურველ სწავლასა და ზრდას?

სწორი მიმართულებით მივდივარ?

ყოველდღიურად და წლიდან წლამდეც კი, ძნელი სათქმელია, მიდიხართ თუ არა სწორი მიმართულებით, თუ პერიოდულად არ შეაფასებთ, სად იმყოფებით. უამრავ ადამიანს უთქვამს: „არასოდეს დამჭირვებია ახალი შესაძლებლობების ძიება. ისინი ჩემთან თავად მოვიდნენ“. მიუხედავად იმისა, რომ სასიამოვნოა ახალი შესაძლებლობების გაჩენა და შეიძლება იყოს მაცდუნებელი, ამან შეიძლება გააფუჭოს თქვენი განსჯა და გამოიწვიოს უფრო შემთხვევით გზებზე აღმოჩენა. ბევრი ადამიანი, ვინც იზიარებდა ზემოხსენებულ გამოცდილებას, ხშირად ამბობს: „არ ვიცი, როგორ მოვხვდი აქ. მე უბრალოდ გავაგრძელე ის საქმე, რომელიც გამომივიდა. თუმცა, დღემდე დარწმუნებული არ ვარ, რომ ეს ის ადგილია, სადაც მე ნამდვილად მინდოდა ყოფნა“.

კარგია, ეძებდე შესაძლებლობებს, როცა კარგი პროექტი ან სამუშაო მოგივა, მაგრამ ზედმეტად რეაქტიულმა ან ბრმად დათმობამ შეიძლება გზიდან გადაგაგდოს. ყველას სძულს კითხვა “სად გინდათ იყოთ 10 წლის შემდეგ“? უკან დახევა ფართო ხედვისა და მიმართულების გარკვევაში გეხმარებათ, შესაძლებლობების უფრო პროაქტიულად განხორციელებისთვის. თქვენ შეიძლება ჰკითხოთ საკუთარ თავს “რა მინდა ჩემს (სამსახურში) ცხოვრებაში, ხუთ წელიწადში“? შეიძლება გინდოდეთ მეტი ავტონომია, იყოთ აღიარებული ექსპერტი თქვენს სფეროში, ან გქონდეთ გლობალური პასუხისმგებლობები. ეს ხუთწლიანი ხედვა მოგცემთ იმ გამოცდილებას, რომლის მიღებაც გსურთ იქ მისასვლელად.

რის დათესვა მჭირდება ახლა?

იქნება ეს ხუთწლიანი ხედვის განხორციელება თუ რაიმე გრძელვადიანი, კარიერული წარმატება ხშირად მცირე, რეგულარული ქმედებების შედეგია – რასაც თესვას ვუწოდებთ. თესლი, რომელსაც დღეს დარგავთ, შეიძლება ამოიზარდოს ორი თვის, ორი წლის ან 10 წლის შემდეგ და როგორც წესი, საჭიროა მათგანის გადარგვა.

ფაქტი, რომ ბევრ ადამიანს არ სურს მიიღოს ვალდებულება რაიმეზე, რომელსაც არ აქვს გარკვეული ანაზღაურება, შეიძლება გახდეს თქვენი კონკურენტული უპირატესობა, თუ თქვენ მზად ხართ გააკეთოთ სამუშაო წარმატების გარანტიის გარეშე. ესაა დათესვა სწორ დროს, რაც აუცილებლად მოიტანს შედეგს.

როგორი ურთიერთობების დამყარებაა საჭირო?

ურთიერთობები ფუნდამენტურია კარიერული წარმატებისთვის. თქვენ არ შეგიძლიათ ამის გაკეთება მარტო, რაც არ უნდა იყოს “ეს”. თქვენი ახლო, საშუალო და თუნდაც გრძელვადიანი მიზნებიდან გამომდინარე, ვინ არიან ადამიანები, რომლებიც დაგეხმარებიან? შეიძლება ზოგიერთს უკვე იცნობთ, ზოგს კი, ჯერ არც შეხვედრიხართ. როცა სამსახურში „თავგადავარდნილი“ ხარ, ადვილია შენი ურთიერთობების უგულებელყოფა. გარკვეული დრო დაუთმეთ უკან დახევას და თქვენი ქსელის მიმოხილვას ქსელის რუქის დახატვით, მათი იდენტიფიცირებით, რომლებსაც იცნობთ სხვადასხვა დონეზე და შეადგინეთ ისინი ურთიერთობის სიძლიერის მიხედვით. ჩაწერეთ თქვენი სახელი ცარიელი გვერდის ცენტრში. აღნიშნეთ უფრო ძლიერი კავშირები თქვენთან უფრო ახლოს და სუსტი კავშირები უფრო შორს.

ჰკითხეთ საკუთარ თავს „სად ვდებ ზედმეტ რესურსს? სად მაქვს ინვესტიციების ნაკლებობა?” თუ თქვენ ხართ ინჟინერი ტექნოლოგიების სექტორში და თქვენი საქმე ინჟინერიაა, მაგრამ გსურთ გადახვიდეთ ტექნიკური სექტორიდან განათლებაზე, ვის უნდა შეხვდეთ, რომ დაიწყოთ ეს ცვლილება? ანალოგიურად, თუ თქვენ ხართ საშუალო დონის ფინანსური პროფესიონალი და გსურთ საბოლოოდ გახდეთ CFO, თუმცა თქვენი ქსელი შეიცავს ძალიან ცოტა C- დონის აღმასრულებელს, ეს მიუთითებს თქვენი ქსელის ძალისხმევის ფოკუსზე, რადგან თქვენ გსურთ გააფართოვოთ თქვენი კავშირები. რა ურთიერთობები გსურთ შექმნათ, შეინარჩუნოთ და გამოიყენოთ შანსი თქვენი მიზნების მისაღწევად?

ჩვენ ყველამ ვიცით, რომ კარიერა არ არის წრფივი და ის ვითარდება მრავალი წლის განმავლობაში – თუნდაც ათწლეულების განმავლობაში. საკუთარ თავისთვის ზემოთ ჩამოთვლილი კითხვების დასმა დაგეხმარებათ გადახვიდეთ ავტოპილოტიდან მძღოლის სავარძელზე, რათა იყოთ უფრო მიზანმიმართული და დარწმუნებული კარიერულ წარმატებაში.

წყარო: HBR,  marketer.ge