„დღეის მდგომარეობით არსებობს პირველი, მეორე და მეორე განმეორებითი აუქციონი, პირველ აუქციონზე ქონება გადის საბაზრო ღირებულების 75% - ში , როდესაც კერძო აღმასრულებელს ვუწევთ სააუქციონო მომსახურებას, კერძო აღმასრულებელი თვითონ არის პასუხისმგებელი მის მიერ განხორციელებულ ყველა მოქმედებაზე, ჩვენ მხოლოდ აუქციონს ვატარებთ“, - ამის შესახებ რადიო „კომერსანტის“ გადაცემაში „ბიზნესი და სამართალი“ ნინო ლიპარტიასთან ერთად“ აღსრულების ეროვნული ბიუროს ანალიტიკური და სასამართლო წარმომადგენლობის სამსახურის უფროსმა ეკატერინე ახალკაცმა ისაუბრა. მისი თქმით მეორე აუქციონის დროს ქონება გადის საბაზრო ღირებულების 50% - ში და შემდეგ არის მეორე განმეორებითი აუქციონი , სადაც ქონების ღირებულების საწყისი ფასი არის 5% .
„2019 წლის აგვისტოდან ნულოვანი აუქციონი უკვე აღარ არსებობს, იუსტიციის მინისტრის ბრძანებაში შევიდა ცვლილება და საკონსტიტუციო სასამართლომ 2019 წლის 31 დეკემბრიდან აამოქმედა და ქონების ნულ ლარად გაყიდვა არაკონსტიტუციურად ცნო.
გაყიდვა ხორციელდება ბიჯების მეშვეობით და აუქციონის ხანგრძლივობა არის არანაკლებ 7 და არაუმეტეს ათი დღეს, ხოლო ბიჯსა და ბიჯს შორის სხვაობა 2 წუთია.
მითითებულია დაწყების დრო,თარიღი და ქონების აღწერილობა, ნახულობთ ვინ და რამდენმა მომხმარებელმა დაათვალიერა და პროგრამა გაძლევთ იმის შესაძლებლობას, რომ ნახოთ თუ რამდენი მომხმარებლის მიერ რამდენი ბიჯია განხორციელებული,“ - აღნიშნა ეკატერინე ახალკაცმა.
ახალკაცის განმარტებით მონაწილეობის წინაპირობა გულისხმობს მომხმარებლის რეგისტრაციას, საგარანტიო თანხის დადებას, რომელიც საბაზრო ღირებულების 10% -ს მოიცავს, მხოლოდ ამის შემდეგ ექნება მას ბიჯების განხორციელების შესაძლებლობა.
„იმ შემთხვევაში თუ მომხმარებელმა დადო ბიჯი და ვერ დაკმაყოფილდა ქონებით მას თანხა უკლებლივ უბრუნდება, ხოლო იმ შემთხვევაში თუ თუ მომხმარებელი გახდა გამარჯვებული და ამაზე მიიღო მოკლე ტექსტური შეტყობინება, მაგრამ ათი დღის ვადაში არ გადაიხადა შეთავაზებული თანხა, ამ შემთხვევაში აღსრულების ეროვნული ბიურო აუქმებს აუქციონის შედეგს და ნიშნავს ხელახალ აუქციონს, რომელიც არ ჩაითვლება ახალ აუქციონად. თუ გამარჯვებული გამოვლინდა 50% - იანზე და არ გადაიხადა ათვლა ისევ თავიდან იწყება
თუ ერთი და იგივე აუქციონი მყიდველის მიერ თანხის გადაუხდელობის გამო ჩაიშალა, საგარანტიო თანხა არის საბაზრო ღირებულების 50% , იმიტომ რომ თაღლითობას არ ჰქონდეს ადგილი. აუქციონში მონაწილეობა არავის ეკრძალება.
თუ ქონება 5% - იანი ღირებულების შემთხვევაშიც არ გაიყიდა, ის უბრუნდებოდა კრედიტორს და ყადაღა ეხსნებოდა, თუმცა საკონსტიტუციო სასამართლომ ეს ნორმის შინაარსი ანტიკონსტიტუციურად ცნო და თუ ეს არის სასამართლო გადაწყვეტილების საფუძველზე დაწყებული აღსრულება კიდევ უნდა დარეგულირდეს და კიდევ ერთხელ რაღაც მექანიზმი შემუშავდეს, რომ კრედიტორი არ დაზარალდეს. თუმცა დღეის მდგომარეობით არ გვაქვს ნორმა ისე ამოქმედებული და ეს საკითხი ღიად არის დატოვებული“, - აღნიშნა ეკატერინე ახალკაცმა.
თაკო კვაჭანტირაძე