Jack Daniels–ის ვისკის მწარმოებელმა ბრაუნ ფორმანმა განაცხადა, რომ გაყიდვები გაიზარდა როგორც ბარებსა და რესტორნებში, ასევე აეროპორტებში duty free მაღაზიებში, რის მიზეზადაც covid 19-ის შეზღუდვების მერე ადამიანების რესტორნებში დაბრუნებასა და მოგზაურობის განახლებას ასახელებს - ამის შესახებ ინფორმაციას გამოცემა financial times ავრცელებს.
მათივე ინფორმაციით, კენტუკიში დაფუძნებულმა დისტილატორმა, რომელიც Woodford Reserve ბურბონსა და Fords-ის ჯინს აწარმოებს, გამოაქვეყნა ბოლო სამი თვის გაყიდვები. რამაც 31 ივლისის ჩათლით 1 მილიარდი დოლარი შეადგინა, რაც გასული წლის ანალოგიურ პერიოდში 977,76 მილიონი იყო.
ბრაუნ-ფორმანის სამოგზაურო საცალო განყოფილებამ, რომელიც მოიცავს უბაჟო გაყიდვებს, 77 პროცენტიანი წლიური წმინდა ზრდა აჩვენა, რადგან ადამიანები შეზღუდვების შემსუბუქების შემდეგ მოგზაურობას დაუბრუნდნენ.
„მიუხედავად იმისა, რომ ბაზარზე მუდმივი გაურკვევლობაა, მე მაინც ოპტიმისტურად ვარ განწყობილი, ჩვენ შეგვიძლია გავაგრძელოთ ეს იმპულსი და მივაღწიოთ როგორც მოკლევადიან ასევე გრძელვადიან პერსპექტივაში გაყიდვების ზრდას“ - აღნიშნა აღმასრულებელმა დირექტორმა ლოუსონ უაიტინგიმ.
კომპანიის კვარტალურმა წმინდა შემოსავალმა 249 მლნ აშშ დოლარი შეადგინა, რაც წინა წელთან შედარებით 192 მლნ აშშ დოლარით მეტი იყო, ხოლო მოგება ერთ აქციაზე 52 ცენტი იყო.
აშშ-ს დისტილატორმა გაიმეორა თავისი მთელი წლის სახელმძღვანელო ორგანული წმინდა გაყიდვების ზრდის შესახებ საშუალო ერთნიშნა დიაპაზონში.