დღეს „შერატონ მეტეხი პალასის“ ეზოში მმართველმა პარტიამ ცენტრალური პარკის პრეზენტაცია გამართა. ღონისძიებაზე თბილისის მერმა, კახა კალაძემ, გამწვანებასა და ეკოლოგიაზე ისაუბრა და თქვა, რომ უკანასკნელ წლებში ქვეყანა ამ მხრივ მნიშვნელოვნად განვითარდა. დედაქალაქის მერმა მადლობა გადაუხადა ბიძინა ივანიშვილს და მის ოჯახს ქალაქისთვის იპოდრომის ტერიტორიის უსასყიდლოდ გადაცემის გამო.

თბილისის ცენტრალური პარკის პროექტზე ისაუბრა მთავრობის მეთაურმაც. გიორგი გახარიამ განაცხადა, რომ აქაც გამოჩნდა ბიძინა ივანიშვილის უაღრესად მნიშვნელოვანი ხელწერა, როგორ შეიძლება პირადით ემსახურო საზოგადოს. პრემიერ-მინისტრის თქმით,  ეს ყველაფერი ეკოლოგიური კომპონენტის გარდა შეიცავს თითოეული მოქალაქის, ამ ქვეყნის მოქალაქეების ცხოვრების სტილის ცვლილებას.

ბიძინა ივანიშვილის წვლილზე ისაუბრა ფონდ „ქართუს“ გამგეობის თავმჯდომარემ, ნიკოლოზ ჩხეტიანმაც. მისი თქმით, ივანიშვილის ოჯახმა იპოდრომის ტერიტორია კერძო პირებისგან წლების წინ 52 მლნ დოლარად შეიძინა და მიიღო გადაწყვეტილება, ტერიტორია თბილისის მუნიციპალიტეტისთვის გადაეცა. ჩხეტიანი აცხადებს, რომ ფონდი „ქართუ“  სამუშაოებს 100 პროცენტით დააფინანსებთ, მისივე განმარტებით ახალი ცენტრალური პარკის შექმნა სულ მცირე 15-20 მლნ დოლარი დაჯდება.