ფინანსური ჩართულობის ორგანიზაცია „კრისტალის“ სამეთვალყურეო საბჭოს თავმჯდომარემ არჩილ ბაკურაძემ რადიო “კომერსანტის“ საახალწლო ეთერში 2021 წელს “კრისტალის“ საქმიანობა შეაჯამა და 2022 წლის სამომავლო გეგმებზეც ისაუბრა და აღნიშნა, რომ 2021 “კრისტალისთვის“ საკმაოდ საინტერესო წელი იყო.
მისი თქმით დაფინანსების ხარჯი და რეფინანსირების განაკვეთი, როგორც მთელი ეკონომიკისთვის, ასევე “კრისტალისთვის“, იყო დიდი გამოწვევა, რამაც “კრისტალის“ მომსახურება გააძვირა.
“2021 წელს გამოჩნდა კოვიდით გამოწვეული რისკების შედეგი, 2020 წელს არავინ ვიცოდით რასთან გვქონდა საქმე, მაგრამ 2021 წელს საკმარისი დრო გავიდა იმისთვის, რომ ჩვენ აქტივზე და სესხების ხარისხზე პანდემიის ეფექტი შეგვეფასებინა და მინდა გითხრათ რომ 2021 წელმა საკმაოდ დადებითად ჩაიარა, ერთადერთი სექტორი ვიყავით, რომელიც უკეთესს არც ველოდებოდით.
ტურიზმი რომელიც ჯერჯერობით ისევ ვერ დადგა ფეხზე, მაგრამ ეს სექტორი შიდა ტურიზმის თუ მზარდი შემომსვლელი მოგზაურების გამო უბრუნდება თავის ძველ ფორმას.
ჩვენი სფერო იყო გამორჩეული როგორც ადამიანური რესურსის გადინებით ასევე შემოდინებით, ამ პანდემიამ სავარაუდოდ დაასუსტა კავშირები ორგანიზაციებთან , გუნდებთან და ბევრ ადამიანს გაუჩინა სიახლის მოთხოვნილება, ამიტომ ბევრი ჩვენი თანამშრომელი წავიდა, ამ პროცესს ადრე უფრო მტკივნეულად განვიცდიდით, მაგრამ ასევე ძალიან საინტერესო ხალხი შემოგვიერთდა და მე ვფიქრობ რომ ეს ბიზნესში ძალიან საინტერესო ტენდენციაა, რომელსაც მენეჯერები და მაკონტროლებლები უყურებენ. მინდა გითხრათ რომ ამ კუთხით უცნაური წელი იყო, მაგრამ საინტერესო, მომხმარებელი კმაყოფილია, გავიზარდეთ 12% -ით და გადავაჭარბეთ 360 მილიონს, ყველას მოვემსახურეთ მაქსიმალურად კარგად და უსაფრთხოდ“ - აღნიშნა არჩილ ბაკურაძემ.
კითხვაზე თუ რა მოლოდინები და იმედები აქვს კრისტალს 2022 წელთან დაკავშირებით არჩილ ბაკურაძე პასუხობს, რომ მიუხედავად იმისა, რომ არაპროგნოზირებად ეპოქაში გვიწევს ცხოვრება, პანდემიის დაწყებისას რა გეგმებიც დაისახა კრისტალმა მისი დიდი ნაწილი შესრულდა.მისივე თქმით 2022 წელთან დაკავშირებით “კრისტალს“ დიდი მოლოდინები აქვს და რისი წინაპირობაც 2021 წელს ჩანდა.
“კრისტალი თავისი ტრადიციული მიკრო სესხების ბაზრიდან, შედის და შევიდა მცირე და საშუალო სესხების ბაზარზე და ძალიან ვამაყობთ რომ შევქმენით ერთ-ერთი წარმატებული, ახალი პლატფორმა და პროდუქტი, რომელსაც ჰქვია კრისტალ ლიზინგი და ვფიქრობ წერტილში მოვარტყით იმ კუთხით, რომ სწორედ ამაზე არსებობდა მოთხოვნა მიკრო და საშუალო ბიზნესის ძალიან დიდ ბაზარზე, ეს არის ქვეყნისთვის ძალიან მნიშვნელოვანი ბაზარი, რა თქმა უნდა მიკრო ბაზარს ძალიან დიდი სოციალური დატვირთვა აქვს და ჩვენ არსად ამ ბაზრიდან არ გავდივართ, გვაქვს მნიშვნელოვანი პოზიციები ამ ბაზარზე , მაგრამ საინტერესო და საკმაოდ წარმატებული იყო ჩვენი შესვლა ამ ბაზარზე და ჩვენ გავაფართოებთ ამ სერვისს და საკმაოდ წარმატებული ინოვაციით შევალთ ამ ბაზარზე“ - აღნიშნა არჩილ ბაკურაძემ.
ბაკურაძის თქმით, კრისტალი განსაკუთრებულ აქცენტს აკეთებს ბიზნესის ფიქსირებული აქტივების დაფინანსებაზე, რაც სესხზე უკეთესია და იძლევა შესაძლებლობას, რომ მომხმარებელმა შეიძინოს ტექნოლოგია, დანადგარები და გააძლიეროს ბიზნესი.
თაკო კვაჭანტირაძე