იანვარ-აგვისტოში საქართველომ ყველაზე მცირე რაოდენობით იმპორტი ზამბიიდან მოახდინა. რვა თვეში საქართველომ ზამბიიდან 0.25 ათასი დოლარის იმპორტი განახორციელა და ტვირთის მთლიანო მოცულობა საქართველოში საჰაერო გზით შემოვიდა. საქსტატის საიტზე განთავსებული ინფორმაციის მიხედვით ქვეყანამ ზამბიიდან იმპორტის 100%-ი თამბაქოს ნედლეულზე მოდის.
იმპორტიორ ქვეყნებს შორის, საიდანაც საქართველომ ყველაზე ნაკლები პროდუქცია იყიდა, მეორე ადგილზე ზიმბაბვეა, ხოლო მესამეზე საფრანგეთის სამხრეთი ტერიტორიები. ზამბიის მსგავსად ზიმბაბვედან იმპორტის 100%-ი სწორედ საჰაერო გზით განხორციელდა და მთლიანი იმპორტი სწორედ რომ თამბაქოს ნედლეულზე მოდის. რაც შეეხება მსუბუქი ავტომობილები საფრანგეთის სამხრეთი ტერიტორიებს საქართველომ იანვარ-აგვისტოში მსუბუქი ავტომობილების იმპორტი მოახდინა. იმპორტი ქვეყანაში საზღვაო გზით განხორციელდა.
აღსანიშნავია, რომ 8 თვეში საქართველომ ზიმბაბვედან 0,32 ათასი დოლარის პროდუქცია იყიდა, ხოლო საფრანგეთის სამხრეთი ტერიტორიებიდან 1.92 ათასი დოლარი.
მაშ ასე TOP-10 ქვეყანა, რომელთანაც საქართველოს ყველაზე მცირე იმპორტი აქვს, ასე გამოიყურება:
ზამბია - 0.25 ათასი დოლარი
ზიმბაბვე - 0.32 ათასი დოლარი
საფრანგეთის სამხრეთი ტერიტორიები - 1.92 ათასი დოლარი
გამბია - 3.05 ათასი დოლარი
ნიგერი - 5.75 ათასი დოლარი
დომინიკა - 6.08 ათასი დოლარი
სუდანი - 6.50 ათასი დოლარი
ბაჰამები - 6.94 ათასი დოლარი
კამბოჯა - 7.45 ათასი დოლარი
მალდივები - 9.23 ათასი დოლარი
აღსანიშნავია, რო იანვარ-აგვისტოში იმპორტმა სულ 8 364 942.72 ათასი ლარი შეადგინა.
იმპორტი
