გასულ კვირას საქართველოს გარემოს დაცვისა და სოფლის მეურნეობის მინისტრის მოადგილემ გიორგი ხანიშვილმა 2023 წელს სოფლის მეურნეობის მხარდაჭერის გეგმებზე ისაუბრა. ინფორმაციას East Fruit-ი ავრცელებს.
საქართველოს სოფლის მეურნეობის სექტორს 2023 წელს დააფინანსებენ: შეღავათიანი აგროკრედიტის, თხილის წარმოების ხელშეწყობისა და „დანერგე მომავლის“ პროგრამებზე.
შეღავათიანი აგროკრედიტის პროგრამა საქართველოში 2013 წლიდან ხორციელდება და კომერციული ბანკების მიერ ფერმერებზე გაცემული სესხების საპროცენტო განაკვეთების სუბსიდირებას გულისხმობს. 2023 წელს პროგრამის ბიუჯეტი 200 მლნ ლარამდე (76 126 675 აშშ დოლარი) გაიზარდა. გარდა ამისა, 2022 წლის ბოლოს სახელმწიფოს წარმომადგენლებმა პროგრამის ფარგლებში გამოაცხადეს კონკრეტულად ციფრული ტექნოლოგიების, აგრო დრონების და ამინდის სადგურების სუბსიდირება.
2023 წელს გაგრძელდება პროგრამის „დანერგე მომავალი“, რომელიც მრავალწლიანი ბაღების გაშენების სუბსიდირებას ახდენს. ხანიშვილის თქმით, პროგრამის ფარგლებში ამ დროისთვის 20 000 ჰექტრამდე მრავალწლიანი ბაღებია გაშენებული, 2023 წელს კი 4 000 ჰა-მდე ახალი ბაღების სუბსიდირება იგეგმება.
თხილის წარმოების ხელშეწყობის პროგრამა 2022 წელს დაიწყო და ამჟამად მთელი ქვეყნის მასშტაბით თხილის ბაღების რეგისტრაცია მიმდინარეობს. სახელმწიფო რეგისტრირებულ ფერმერებს ჰექტარზე ერთჯერად 500 ლარს გადაუხდის სუბსიდიას, რომელიც ბაღების შესხურებას მოხმარდება. პროგრამის მიზანია ფერმერების სტიმულირება, გააგრძელონ თხილის ბაღების მოვლა გასული წლის წარუმატებელი სეზონის მიუხედავად . ხანიშვილის თქმით, პროგრამის ფარგლებში უკვე დარეგისტრირებულია 37 000 ჰექტარზე მეტი თხილის ბაღი.