მსოფლიოს სხვადასხვა ქვეყანა დიდი ხანია თავს იწონებს ყველაზე ძვირად ღირებული, ორიგინალური თუ ფუნქციური შენობებით. ხშირად მსგავსი არქიტექტურა ტურისტებსაც იზიდავს.

საინტერესოა, რა რაოდენობის თანხაა საჭირო გიგანტური ნაგებობებისთვის და რომელმა ქვეყანამ რამდენი დახარჯა ამაში?

წარმოგიდგენთ 6 ყველაზე ძვირად ღირებულ შენობას მსოფლიოში:

The Cosmopolitan, ლას-ვეგასი: 4.9 მილიარდი დოლარი

3027-ოთახიანი Cosmopolitan-ის აშენება 2009 წელს 3,9 მილიარდი დოლარი დაჯდა. ეს დღევანდელი კურსით 4,9 მილიარდი დოლარის ექვივალენტია. სასტუმრო და კაზინო მოიცავს ორ მაღალსართულიან კოშკს და სიგნით განლაგებულია ყველაფერი - 3 200 ადგილიანი თეატრიდან დაწყებული, სპა და ფიტნეს ცენტრით დასრულებული.

კომპლექსი 2021 წელს 5,65 მილიარდ დოლარად გაიყიდა.

Apple Park, კუპერტინო: 5 მილიარდი დოლარი

Apple, რომელმაც 2022 წელს 3 ტრილიონ დოლარის ღირებულებას მიაღწია, ყველაზე მდიდარი კომპანიაა მსოფლიოში. კამპუსი, რომელიც 2017 წლის დასაწყისში დასრულდა, დაახლოებით 5 მილიარდი დოლარი დაჯდა.

SoFi Stadium, კალიფორნია: 5,5 მილიარდი დოლარი

SoFi Stadium-ის აშენება 5,5 მილიარდი დოლარი დაჯდა, რაც მას ყველაზე ძვირად ღირებულ სტადიონად აქცევს მსოფლიოში. მშენებლობა 2016 წელს დაიწყო და 2020 წელს დასრულდა. სტადიონის მაქსიმალური ტევადობა 100 000 ადამიანზეა გათვლილი.

Marina Bay Sands, სინგაპური: 5,5 მილიარდი დოლარი

სინგაპურის სენსაციური Marina Bay Sands-ის კომპლექსი მოიცავს უსასრულო აუზს, ყველაზე დიდ კაზინოს, 2561-ნომრიან მდიდრულ სასტუმროს და სხვა კომფორტს, რომელიც შეიძლება ადამიანმა წარმოიდგინოს. კომპლექსის მშენებლობა 2010 წელს დასრულდა.

Abraj Al Bait, მექა: 15 მილიარდი დოლარი

მექაზე აღმართული Abraj Al Bait არის შვიდი ცათამბჯენისგან შემდგარი კომპლექსი, რომელიც 2012 წელს აშენდა. კომპლექსი 34 ჰექტარზეა გაშლილი და აქვს მსოფლიოში ყველაზე დიდი ეკრანი.

Masjid al-Haram, მექა: 100 მილიარდი დოლარი

ისლამის ყველაზე წმინდა ადგილი და მსოფლიოში უდიდესი მეჩეთი, მესჯიდ ალ-ჰარამი მექაში, მოიცავს 99 ჰექტარს და იტევს ოთხ მილიონამდე ადამიანს. მას შემდეგ სხვა სარემონტო სამუშაოები განხორციელდა. საუდის არაბეთი ახლა კიდევ 100 მილიარდი დოლარის დახარჯვას გეგმავს საიტის გაფართოებაზე, რათა 2030 წლისთვის ჰაჯის შესრულება 30 მილიონ მლოცველს შეეძლოს.

წყარო: lovemoney.com,  "ბიზნესპრესნიუსი"