გამოცემა Euronews გვთავაზობს ევროპის კონტინენტის 7 საუკეთესო სათხილამურო კორორტს, რომელიც ერთნაირად საინტერესოა, როგორც თხილამურით სრიალის მოყვარულებისთვის, ასევე ნებისმიერი დამწყებისთვის.

მონჟენერვი, საფრანგეთი

მონჟენერვი საფრანგეთის ერთ-ერთი ყველაზე პოპულარული სათხილამურო კურორტია, რომელიც იტალია-საფრანგეთის საზღვარზე ალპებში მდებარეობს. კურორტი განსაკუთრებით პოპულარულია ოჯახური დასვენებისთვის.

მონჟენერი მულტიფუნქციური კურორტია, სადაც როგორც პროფესიონალი სპორტსმენებისთვის, ასევე პატარა ბავშვებისთვის განკუთვნილი სათხილამურო ტრასები მდებარეობს.

სენტ ანტონი, ავსტრია

სენტ ანტონი ავსტრიის კურორტია, რომელიც ტიროლის მთებში მდებარეობს. კურორტი ჯერ კიდევ 1900-იანი წლებიდან გახდა პოპულარული.

სათხილამურო კურორტის გარდა აქ უამრავი ბარი, რესტორანი და გასართობი ობიექტია, რაც მას დამსვენებლების საყვარელ კურორტად აქცევს.

ტინი, საფრანგეთი

ტინი საფრანგეთის მთიანი კურორტია, რომელიც რამდენიმე სოფლისგან შედგება. კურორტის რელიეფიდან გამომდინარე აქ ზამთრის ნებისმიერი სპორტით დაკავება თავისუფლად შეიძლება.

სენტ მორიტზი, შვეიცარია

სენტ მორიტზე 1864 წელს დაარსდა და მსოფლიოში ერთ-ერთი ყველაზე ძველი ზამთრის კურორტია, სადაც ზამთრის სპორტის არაერთი სახეობა განვითარდა.

ბედ გაშტოინი, ავსტრია

ბედ გაშტოინი ავსტრიის ბალნეოლოგიური კურორტია, სადაც ადამიანები მთელი მსოფლიოდან ჩადიან. კურორტის ხედებით ტკბობა ზიპლაინის მეშვეობითაა შესაძლებელი. ამასთან, ბედ გაშტოინში 200 მეტრის სიმაღლის ჩანჩქერი მდებარეობს.

შამონი, საფრანგეთი

შამონი საფრანგეთის აღმოსავლეთ ნაწილში მდებარე ზამთრის კურორტია, სადაც 1924 წელს მსოფლიოში პირველი ზამთრის ოლიმპიადა გაიმართა. შამონში ევროპის ერთ-ერთი ყველაზე გრძელი საბაგირო მდებარეობს, რომელსაც შუშის კაბინები აქვს და სტუმრებს კურორტის დათვალიერება 360%-ით პეიზაჟით შეუძლიათ.

კიცბუჰელი, ავსტრია

კიცბუჰელი ევროპის ერთ-ერთი ყველაზე პოპულარული ზამთრის კურორტია. ზამთრის სპორტით დაკავების გარდა, ტურისტების განსაკუთრებულ ინტერესს ქალაქის ძველი უბანი იწვევს, სადაც არაერთი ისტორიული შენობაა განთავსებული.

წყარო: "ბიზნესპრესნიუსი"