უკრაინის პრეზიდენტმა, ვლადიმირ პუტინმა, ხელი მოაწერა კანონს, რომელიც პატიმრობას ან ფულად ჯარიმას ითვალისწინებს საბჭოთა კავშირისა და ნაცისტური გერმანიის გაიგივებისა და, ასევე, ნაცისტური გერმანიის განადგურებაში „საბჭოთა ხალხების გადამწყვეტი როლისა და ევროპის ქვეყნების გათავისუფლების საქმეში საბჭოთა კავშირის ჰუმანიტარული მისიის უარყოფისათვის“.
ამ აკრძალვის დარღვევა საჯარო გამოსვლების დროს, მასობრივი ინფორმაციის საშუალებებში ან ინტერნეტში ინფორმაციის გავრცელებით, ფიზიკური პირებისათვის გამოიწვევს დაჯარიმებას 2000 რუბლის ოდენობით ან 15-დღიან პატიმრობას. ხოლო კანონის განმეორებით დარღვევის შემთხვევაში ჯარიმის მოცულობა 5000 რუბლამდე გაიზრდება.
იურიდიული პირები ანალოგიური სამართალდარღვევისთვის 50 ათასი რუბლით დაჯარიმდებიან. კანონის მოთხოვნათა ხელმეორედ დარღვევისთვის მათ 90 დღემდე საქმიანობის აკრძალვა დაემუქრებათ.
საკანონმდებლო ინიციატივის ავტორები იყვნენ რუსეთის მმართველი ედინაია როსიას დეპუტატები ელენა იამოლსკაია და ალექსანდრ ჟუკოვი, ასევე სენატორები ალექსეი პუშკოვი და ოლგა კოვიტიდი.
საბჭოთა კავშირის როლი
