დასავლეთის წინააღმდეგ ამოქმედებული უმწვავესი სანქციების ფონზე, ყოველდღიურად იზრდება იმ კომპანიების ჩამონათვალი, რომლებიც ტოვებენ ამ ქვეყანას. 10 მარტის 20:00 საათიდან 11 მარტის 08:00 საათამდე ამ ჩამონათვალს შეურთდა არაერთი კომპანია.

მათ შორის არიან:

ნორვეგიულმა ნავთობკომპანიამ Equinor-მა შეაჩერა რუსული ნავთობის შესწყიდვა. 28 თებერვალს კი კომპანიას გაცხადებული ჰქონდა რომ გადიოდა საერთო პროექტებიდან;
რუსეთში აქტივობების შეწყვეტის გადაწყვეტილება მიიღო უმსხვილესმა ამერიკულმა ბანკმა JP Morgan Chase-მა. ფინანსური უწყება არ აპირებს რაიმე ახალი პროექტების წამოწყებას რუსეთის ტერიტორიაზე. შეგახსენებთ, ანალოგიური გადაწყვეტილება ცოტა ხნით ადრე მიიღო ასევე Goldman Sachs-ა, სწორედ ის იყო პირველი მსხვილი ამერიკული ბანკი, რომელმაც რუსეთის დატოვების შესახებ გამოაცხადა;
რუსეთსა და ბელარუსში საქმიანობას აჩერებს ფინანსური გადარიცხვების კომპანია Western Union;
გარკვეულ შეზღუდვებს რუსეთის მოქალაქეებზე აწესებს უმსხვილესი თურქული ავიაკომპანია Turkish Airlines-ი, რომელიც რუსეთის მოქალაქეებს ბილეთების შეძენას არ უკრძალავს, თუმცა, მარშრუტი უნდა იწყებოდეს ან მთავრდებოდეს რუსეთში. მიზეზად კომპანიამ Visa-ს და Mastercard-ის გასვლა დაასახელა;
13 მარტიდან რუსეთიდან ფრენებს აჩერებს მეორე თურქული ავიაკომპანია Pegasus Airlines-ი;
ამასთან, ავტომობილების ექსპორტს რუსეთის მიმართულებით აჩერებს უმსხვილესი საავტომობილო კონცერნი Stellantis-ი, მისი კუთვნილი კალუგას ქარხანა კი საშტატო რეჟიმში მუშაობს;
რუსეთში საქმიანობას აჩერებს კინოკომპანია Walt Disney, რომელიც ხურავს ყველა მიმართულებას;
იგივე არჩევანი გააკეთა ხმის ჩამწერმა ამერიკულმა კომპანიამ Warner Music-მა, ასევე ანალოგიური გადაწყვეტილება მიიღო Sony Music-მაც;
რუსეთის ბაზარს ტოვებს სათვალეების ჩარჩოების მწარმობელი იტალიური კომპანია Essilor Luxottica.
რუსეთსა და ბელარუსს ტოვებს ცელულოზა-ქაღალდის მწარმოებელი პორტუგალიური კომპანია Navigator-ი;
რუსეთის ბაზარს ტოვებს ცნობილი ამერიკული სწრაფი კვების კომპანია Burger King-ი.

BPN.GE