Sony-მ მსოფლიოს უმეტეს ქვეყანაში PlayStation 5-ის ფასი გლობალურად გააძვირა. ამ გადაწყვეტილებას კომპანია „რთული ეკონომიკური პირობებით“ , გლობალური ინფლაციით და არასასურველი ვალუტის ტენდენციებით“ ხსნის, ამის შესახებ ინფორმაციას techcrunch ავრცელებს.

ახალი ფასი, რომელიც დიდწილად 30-დან 80 დოლარამდე ზრდას გულისხმობს ევროპაში, დიდ ბრიტანეთში, ჩინეთში, ავსტრალიაში, მექსიკასა და კანადაში დაუყოვნებლივ ამოქმედდება. ერთადერთი გამონაკლისი იაპონიაა, სადაც  PlayStation-ს განახლებული ფასით 15 სექტემბერს გამოჩნდება.  კომპანიამ ასევე დაადასტურა, რომ ფასის ზრდა აშშ-საც  შეეხება.

“ჩვენ ვიცით თუ რა გავლენას ახდენს გლობალური ინფლაციის მაჩვენებლებიი, ისევე როგორც სავალუტო ტენდენციები მომხმარებლებზე, თუმცა რთული ეკონომიკური პირობებიდან გამომდინარე, SIE-მ მიიღო რთული გადაწყვეტილება, გაეზარდა PlayStation 5-ის საცალო ფასი (RRP) ევროპის, ახლო აღმოსავლეთისა და აფრიკის (EMEA), აზია-წყნარი ოკეანის (APAC), ლათინური ამერიკის ბაზრებზე, ისევე როგორც კანადაში”,- განმარტავს ჯიმ რაიანი, Sony Interactive Entertainment-ის პრეზიდენტი და აღმასრულებელი დირექტორი.

PlayStation 5-ზე ფასების  ზრდის მიუხედავად  ბევრ ბაზარზე  მიწოდება კვლავ პრობლემაა, კომპანიის აღმასრულებელი დირექტორი აცხადებს, რომ მიწოდების ჯაჭვის გაუმჯობესებისთვის ყველაფერი კეთდება, რათა მეტმა მოთამაშემ შეძლოს  შეიგრძნოს ის  ყველაფერი რასაც PlayStation 5 სთავაზობს.

ქვეყნების მიხედვით ახალი ფასი ასე გამოიყურება

ევროპა

PS5 Ultra HD Blu-ray დისკით – 549,99 ევრო (ადრე 499 ევრო)

PS5 ციფრული გამოცემა – 449,99 ევრო (ადრე 399 ევრო)

დიდი ბრიტანეთი

PS5 Ultra HD Blu-ray დისკით – 479,99 ფუნტი (ადრე 449 ფუნტი)

PS5 ციფრული გამოცემა – 389,99 ფუნტი (ადრე 359 ფუნტი)

იაპონია (ამოქმედია 2022 წლის 15 სექტემბერს)

PS5 Ultra HD Blu-ray დისკით – 60,478 ¥ (ადრე 49,980 ¥)

PS5 ციფრული გამოცემა – 49,478 ¥ (ადრე 39,980 ¥)

ჩინეთი

PS5 Ultra HD Blu-ray დისკით – 4299 ¥ იუანი

PS5 ციფრული გამოცემა – ¥3,499 იუანი

ავსტრალია

PS5 Ultra HD Blu-ray დისკით – 799,95 AUD (ადრე 749 AUD)

PS5 ციფრული გამოცემა – 649,95 AUD (ადრე 599 $ AUD)

მექსიკა

PS5 Ultra HD Blu-ray დისკით – MXN $14,999

PS5 ციფრული გამოცემა – MXN $12,499

კანადა

PS5 Ultra HD Blu-ray დისკით – 649,99 CAD (ადრე 629 CAD)

PS5 ციფრული გამოცემა – 519,99 CAD (ადრე 499 CAD)

Sony - ის პროდუქციაზე ფასების ზრდა ხდება იმ დროს, როდესაც რამდენიმე სათამაშო გიგანტმა, მათ შორის კონკურენტებმა Nintendo-მ და Microsoft-მა, გაყიდვები შემცირეს.