ქსელურმა მაღაზიებმა „Ароматный мир“ , „Отдохни“ , „Мясновъ“ , „Красное & Белое“  უცხოურ ალკოჰოლურ სასმელებზე გასაყიდი ფასები გაზარდეს, ხოლო ფასდაკლებები და აქციები გააუქმეს. საბითუმო ფასები გაზარდეს უცხოური სასმელების მსხვილმა დისტრიბუტორებმაც. შედეგად ალკოჰოლური პროდუქტები 20-40%-ით გაძვირდა. ექსპერტები ფიქრობენ, რომ ფასების ზრდა კიდევ გაგრძელდება - ფასებზე გავლენას მოახდენს ვალუტის რყევები, ლოგისტიკური ხარჯების ზრდა და სანქციები. გაძვირდება რუსული ალკოჰოლიც.

ალკოჰოლის გამყიდველმა რამდენიმე რუსმა რითეილერმა ალკოჰოლურ სასმელზე ფასები გაზარდეს. ფასების ზრდა Forbes-ის კორესპონდენტმა ქსელურ მაღაზია „Ароматный мир“ - ში შენიშნა. 

„ამჟამად მაღაზიაში პროდუქციის გადაფასება მიმდინარეობს. გაუგებრობების თავიდან ასაცილებლად, გთხოვთ, პროდუქტის ფასი კონსულტანტებთან გადაამოწმეთ“, - ნათქვამია განცხადებაში. ქსელის თანამშრომელმა განმარტა, რომ საუბარია იმპორტირებული ალკოჰოლური სასმლის ფასის მატებაზე. აღსანიშნავია, რომ რამდენი პროცენტით გაიზრდება ფასები მას არ უთქვამს: „ახალი ფასების ახლახან მოვიდა. მაგრამ, ყველა უცხოურ პროდუქტზე  ფასები საგრძნობლად  გაიზარდა“,

28 თებერვლიდან, იმპორტირებული კონიაკის, ტეკილას, ვისკის, ჯინის და სხვა ძლიერი ალკოჰოლური სასმელების მთელ ხაზზე ფასი 20%-ით გაიზარდა - განუცხადა Forbes-ს , „Отдохни“ -სა და „Мясновъ“ - ის თანამშრომელმა. მათი თქმით, იმპორტირებული ღვინის ღირებულება ჯერ არ შეცვლილა, თუმცა 1 მარტიდან ქსელის ყველა ტრადიციული აქცია „2+1“ და „საუკეთესო ფასი“ გაუქმდა: Forbes-ის წყარო ამბობს იმასაც, რომ 30%-ით გაზარდა იმპორტირებული ლუდის ფასიც.

ორივე კომპანიაში ირწმუნებიან, რომ რუსული ღვინოები, არაყი და სხვა ალკოჰოლური სასმელები არ გაძვირებულა.

„Красное & Белое“-ს თანამშრომლები აცხადებენ, რომ ამ დრომდე პროდუქციაზე ფასები არ გაზრდილა, მაგრამ - „ყველაფერი შესაძლებელია, ფასების სიები შეიძლება ყოველდღიურად შეიცვალოს“.

„მცირე ქსელებში ფასების ზრდა აიხსნება იმით, რომ ისინი პირდაპირ არიან დამოკიდებული მომწოდებლებზე“ - ამბობს WineRetail- ის საინფორმაციო ცენტრის ხელმძღვანელი ალექსანდრე სტავცევი. ახლა უფრო ხელსაყრელ მდგომარეობაში უმსხვილესი ფედერალური საცალო ქსელები არიან, რომლებიც აქტიურად ავითარებენ საკუთარ იმპორტს. ექსპერტი ამბობს, რომ დიდ ქსელებს დანაკლისის შესავსებად მნიშვნელოვანი მარაგები აქვთ.

forbes.ru