თეთრი სახლის უშიშროების ეროვნული საბჭოს სპიკერის, ჯონ კირბის განცხადებით, რუსეთი ჩრდილოეთ კორეაში დელეგაციას აგზავნის, რომ იარაღის სანაცვლოდ, საკვები პროდუქტები შესთავაზოს.
კირბის თქმით, რუსეთსა და ჩრდილოეთ კორეას შორის ნებისმიერი გარიგება იარაღის მიწოდებასთან დაკავშირებით, გაეროს უსაფრთხოების საბჭოს რეზოლუციის დარღვევა იქნება.
„ჩვენ შეშფოთებული ვართ იმ ფაქტით, რომ ჩრდილოეთ კორეა შემდგომ დახმარებას გაუწევს რუსეთის სამხედრო ოპერაციას უკრაინაში და ჩვენ გვაქვს ახალი ინფორმაცია, რომ რუსეთი აქტიურად ცდილობს ჩრდილოეთ კორეისგან საბრძოლო მასალების მიღებას“, – განაცხადა კირბიმ.
შეერთებულმა შტატებმა ჩრდილოეთ კორეა რუსეთისთვის საბრძოლო მასალების გადაცემაში რამდენიმე თვის წინ დაადანაშაულა. ამერიკული დაზვერვის ინფორმაციით, საბრძოლო მასალებს ჩრდილოეთ კორეა რუსეთს, შესაძლოა, ახლო აღმოსავლეთის ქვეყნების გავლით აწვდის.
ჯონ კირბი
