რკინიგზის საერთაშორისო კავშირის (UIC) გადაწყვეტილებით, რომლის წევრი „საქართველოს რკინიგზა“ 1997 წლიდანაა, რუსებს და ბელარუსებს რკინიგზის საერთაშორისო კავშირში მონაწილეობის უფლება აღარ ექნებათ.
ჩინეთის, ინდოეთის, მონღოლეთის, ირანის, სომხეთისა და ყაზახეთის წარმომადგენლების მნიშვნელოვანი ზეწოლის მიუხედავად და იმ ფაქტორის გათვალისწინებით, რომ რუსეთი ორგანიზაციის მნიშვნელოვანი ფინანსური სპონსორი იყო, UIC-ის წევრების 72%-მა ამ გადაწყვეტილებას დაუჭირა მხარი.
რკინიგზის საერთაშორისო კავშირის თავმჯდომარის და გენერალური დირექტორის გადაწყვეტილებით, 2022 წლის მარტში შეუჩერდათ რუსეთსა და ბელარუსს სარკინიგზო კომპანიის წევრობა. მიმდინარე კვირას აღნიშნული გადაწყვეტილება უკვე გენერალურმა ასამბლეამ ხელმოწერით დაამოწმა.
შეგახსენებთ, რომ რკინიგზის საერთაშორისო კავშირი სარკინიგზო ტრანსპორტის ინდუსტრიის საერთაშორისო ორგანიზაციაა, რომელიც ზუსტად 100 წლის შეიქმნა და მისი მისია მსოფლიო დონეზე სარკინიგზო ტრანსპორტის ხელშეწყობა და მობილობისა და მდგრადი განვითარების გამოწვევების დაძლევაა.
„საქართველოს რკინიგზა“ რკინიგზის საერთაშორისო კავშირის წევრი 1997 წლიდანაა.