რუსეთის ჯარებმა უკრაინაზე მოსალოდნელი შეტევა დაიწყეს, დღეს გამთენიისას რუსეთთის პრეზიდენტმა ვლადიმერ პუტინმა საერთაშორისო თანამეგობრობას დაგმობისა და საქნქციების მიუხედავად ომი დაიწყო. მან საერთაშორისო მოთამაშეები გააფრთხილა რომ მათი მხრიდან ნებისმიერ ჩარევას მოყვება „ისეთი შედეგები, რომლებიც აქამდე არ გინახავთ“
მაშინ როდესაც მსოფლიო ლიდერები უკრინაში შეჭრის დაწყებას გმობდნენ, აფეთქებების ხმა დღეს დილიდან ისმოდა კიევში, ხარკოვში და ოდესასა და სხვა ქალაქებში.
უკრაინის პრეზიდენტმა ვოლოდიმირ ზელენსკიმ ქვეყნის მასშტაბით საომარი მდგომარეობა და კომენდანტის საათი გამოაცხადა და უკრაინელებს მიმართა.
„ძვირფასო უკრაინის მოქალაქეებო, დღეს დილით, პრეზიდენტმა პუტინმა დონბასში სპეციალური სამხედრო ოპერაცია გამოაცხადა. რუსეთმა დაიწყო შეტევა ჩვენს სამხედრო ინფრასტრუქტურაზე და ჩვენს სასაზღვრო დაცვაზე. აფეთქებების ხმა ისმის უკრაინის ბევრ ქალაქში. ამიტომ ქვეყნის მასშტაბით საომარ მდგომარეობას ვაცხადებ“, - თქვა ვოლოდიმირ ზელენსკიმ ერისადმი მიმართვის დროს.
ამერიკის პრეზიდენტის ბაიდენის მიერ გავრცელებულ განცხადებასი წერია, რომ სიკვდილსა და განადგურებაზე , რომელსაც ეს თავდასხმა მოიტანს მხოლოდ რუსეთი და პუტინია პასუხისმგებელი.
ამ ღამეს, მთელი მსოფლიო უკრაინელი ხალხისთვის ლოცულობს, რადგან ისინი განიცდიან რუსეთის სამხედრო ძალების არაპროვოცირებულ და გაუმართლებელ თავდასხმას. პრეზიდენტმა პუტინმა წინასწარ განზრახული ომი აირჩია, რომელიც სიცოცხლის კატასტროფულ დანაკარგს და ადამიანთა ტანჯვას მოიტანს. მხოლოდ რუსეთია პასუხისმგებელი სიკვდილსა და განადგურებაზე, რომელსაც ეს თავდასხმა მოიტანს და შეერთებული შტატები და მისი მოკავშირეები, ასევე პარტნიორები მას ერთიანი და გადამწყვეტი გზით უპასუხებენ. მსოფლიო რუსეთს პასუხს აგებინებს, - ნათქვამია თეთრის სახლის მიერ გავრცელებულ განცხადებაში.
ვლადიმირ პუტინმა თქვა, რომ მიღებულია გადაწყვეტილება დონბასში სპეციალური სამხედრო ოპერაციის ჩატარების თაობაზე, რის მიზეზადაც ხალხის დაცვის აუცლებლობას ასხელებს.
მისივე თქმით, რუსეთი ვეღარ მოითმენს და შეეგუება იმ საფრთხეებს, რაც უკრაინიდან მის ქვეყანას ემუქრება. პუტინმა თქვა, რომ უკრინის სრული ტერიტორიის ოკუპაციას არ აპირებს. თუმცა მისგან ვითარება მოითხოვს გადამჭრელ ზომებს და ამ ოპერაციის მიზანი მხოლოდ ხალხის დაცვაა.
ვხედავთ, რომ იმ ძალებმა, რომლებმაც 2014 წელს სახელმწიფო გადატრიალება მოახდინეს და ძალაუფლება მოიპოვეს, საბოლოოდ უარი თქვეს კონფლიქტის მშვიდობიანად მოგვარებაზე. ჩვენ 8 წლის განმავლობაში ყველაფერს ვაკთებდით ამ კონფლიქტის მშვიდობიანად მოსაგვარებლად, მაგრამ ყველაფერი ამაოდ. - თქვა პუტინმა
წყარო: apnews.com