რუსეთის ფედერაციიდან ევროკავშირში ნავთობპროდუქტების, კერძოდ, ბენზინის, დიზელის, ნავთის, ნავთობისა და მაზუთის იმპორტის აკრძალვა კვირას, 5 თებერვალს შევიდა ძალაში. ამის შესახებ DW იუწყება.
შეზღუდვების საფუძველი გახდა სანქციები, რომელიც ევროკავშირის წევრმა ქვეყნებმა გასული წლის ივნისში დაამტკიცეს, უკრაინაში რუსეთის აგრესიული ომის საპასუხოდ. 2022 წლის 3 ივნისს ევროკავშირი რუსეთიდან ნავთობისა და ნავთობპროდუქტების საზღვაო მიწოდებაზე ემბარგოს დაწესებაზე შეთანხმდა.
რეგულაციის დაწყება მაშინ გადაიდო. შედეგად, ევროკავშირის ქვეყნებისთვის რუსული ნავთობის საზღვაო მიწოდებაზე დაწესებულმა ემბარგომ მოქმედება 5 დეკემბერს დაიწყო.
გამონაკლისი იქნა დაშვებული ბულგარეთისთვის, ასევე სანქციების ქვეშ არ მოექცა მილსადენით „დრუჟბა“ მიწოდებაც. შეზღუდვები ჯერჯერობით 1 ივლისამდეა ძალაში.
2022 წლის ნოემბრის ბოლოს ევროკავშირს ქვეყნებმა საბოლოოდ დაამტკიცეს 2022 წლის 5 თებერვლიდან რუსეთის ფედერაციიდან ნავთობპროდუქტების საზღვაო მიწოდების აკრძალვა. გამონაკლისი იქნა დაშვებული სოფიასა და ზაგრებისთვის. 2023 წლის ბოლომდე მათ შეეძლებათ გააგრძელონ ნავთის შეძენა, ასევე ჯერჯერობით პრაღასაც შეეძლება შეიძინოს დიზელის საწვავი.
55 დღიანი გარდამავალი პერიოდი გათვალისწინებულია რუსული ნავთობპროდუქტების გადამზიდავ გემებზე, რომლებიც შეძენილი და დატვირთული იყო 2023 წლის 5 თებერვლამდე და გადმოიტვირთება 2023 წლის 1 აპრილამდე.
5 თებერვალს ასევე ამოქმედდა მესამე ქვეყნებში რუსული ნავთობის საზღვაო ტრანსპორტირების ზღვრული ფასების დადგენის მექანიზმი.
დაწესდა ზღვარი, რომლითაც ან მის ქვემოთ რუსეთიდან ნავთობპროდუქტების მიმწოდებლები გათავისუფლდებიან ზღვით მესამე ქვეყნებში მათი ტრანსპორტირების აკრძალვისაგან, აგრეთვე „ტექნიკური დახმარების, საბროკერო, დაფინანსების ან ფინანსური დახმარების “ აკრძალვისგან.
ბარელზე 45 დოლარის ზღვრული ფასი დაწესდა ნავთობპროდუქტებზე, რომლებიც ივაჭრება ნედლ ნავთობზე ფასდაკლებით. ამ კატეგორიაში შედის, მაგალითად,მაზუთი.
მეორე ზღვრული ფასი - ბარელზე 100 დოლარის დონეზე - ეხება მაღალ რაფინირებულ ნავთობპროდუქტებს. ამ ჯგუფში შედის ბენზინი და დიზელის საწვავი.
საერთაშორისო ბირჟებზე ევროპაში მიწოდებით ბარელი დიზელის საწვავი აკრძალვამდე დაახლოებით 100-120 ევროდ ივაჭრებოდა.