ფულადი გზავნილების მოცულობამ მაისში ახალ ისტორიულ მაქსიმუმს მიაღწია და $500 მლნ-იან ზარს გადააჭარბა. გზავნილების 62% - $314 მლნ რუსეთიდან განხორციელდა. რუსეთიდან გადმორიცხულმა თანხის მოცულობამ მაისში გასული წლის ანალოგიურ პერიოდთან შედარებით 889%-ით გაიზარდა. ამის შესახებ ინფორმაციას საქსტატი ავრცელებს.

2013-2021 წლებში რუსეთის წილი ფულად გზავნილებში 3-ჯერ 56%-დან 18%-მდე შემცირდა. კლების ტენდენცია 2022 წლის პირველ კვარტალშიც გაგრძელდა და 13%-მდე შემცირდა. ასტრონომიული 300%-იანი ზრდა პირველად აპრილში დაფიქსირდა, მაისში ზრდის ტემპი 889%-მდე დაჩქარდა.

რუსეთში ეკონომიკური კრიზისის ფონზე ქართველი ემიგრანტების მიერ გამოგზავნილი თანხები ასეთი მოცულობით ვერ გაიზრდებოდა. გზავნილების ზრდა რუსეთის მოქალაქეების მიერ საქართველოში წამოსულ თანამემამულეებისთვის გადმორიცხულ თანხებსა და შესაძლო დაკარგვის შიშით რუსეთიდან თანხების გატანას უკავშირდება.

იანვარ-მაისში ფულადი გზავნილების მოცულობა გასული წლის ანალოგიურ პერიოდთან შედარებით 54%-ით $881 მლნ-დან $1.359 მლრდ-მდე გაიზარდა. ეკონომისტები ლარის გამყარების ერთ-ერთ მიზეზად სწორედ გზავნილების მკვეთრ ზრდას ასახელებენ.