საქართველოში პრეზერვატივების იმპორტი 15%-ით შემცირდა. საქსტატის ინფორმაციით, 2022 წლის იანვარ- ნოემბერში საქართველოში 52.27 ტონა ვულკანიზებული რეზინის კონტრაცეპტივები შემოვიდა, 2021 წლის 11 თვეში კი 61.35 ტონა.
არსებული მონაცემების მიხედვით, 2022 წლის 11 თვეში მსოფლიოს სხვადასხვა ქვეყნებიდან 2,212.44 ათასი დოლარის ღირებულების პრეზერვატივი შემოვიდა, გასული წლის ანალოგიურ პერიოდში კი 2,527.7 ათასი დოლარის.
მიმდინარე წელს ქვეყანაში შემოსული პრეზერვატივების იმპორტის 40%-ი რუსეთზე მოდის. საანგარიშო პერიოდში რუსეთიდან საქართველოში 20.86 ტონა პრეზერვატივი შემოვიდა. საქართველოში პრეზერვატივის იმპორტიორი ქვეყნების ტოპ-5-შია ასევე გერმანია (11.78 ტონა), ლატვია (4.77 ტონა), ინდოეთი (4.61 ტონა), იტალია (3.91 ტონა)
აღსანიშნავია, რომ საქართველოში შემოტანილი პრეზერვატივების მხოლოდ 42%-ია ევროპული წარმოების.
რაც შეეხება ექსპორტს, 2022 წლის იანვარ-ნოემბერში საქართველოდან უცხოეთში 23.75 ტონა პრეზერვატივი გავიდა, რომლის საერთო ღირებულებაც 1,828.57 ათასი დოლარია.
საქართველოდან პრეზერვატივების ექსპორტი მთლიანობაში 3 ქვეყანაში ხორციელდება, ესენია: ბელარუსი, სომხეთი და რუსეთი. საქსტატის მონაცემებით, საქართველოდან ექსპორტირებული პრეზერვატივების 65%- სწორედ ბელარუსზე მოდის, სადაც საქართველოდან 15.37 ტონა პრეზერვატივი გადაიზიდა.