„ჩვენ შემთხვევაში, რუსები, რომლებიც პირველ ეტაპზე საქართველოში ჩამოვიდნენ, მათ ეკონომიკის განვითარებაში რაღაც წვლილი შეიტანეს და შესაბამისად გარკვეული გავლენა მოახდინეს, ხოლო მეორე ფაზაზე, რომელიც შემოგვიერთდა იყო შიში, რომ ეს ხალხი ჩამოვა იმისთვის რომ ჩვენი მუშა-ხელი ჩაანაცვლოს“ - ამის შესახებ საქართველოს რესტორატორთა ასოციაციის თავმჯდომარემ შოთა ბურჯანაძემ რადიო „კომერსანტის“ ეთერში ისაუბრა.
მისი თქმით ეს ხალხი საქართველოში ვერ დასაქმდება და ქვეყნიდან გავა.
„რამდენიმე დღის წინ ექსპო ჯორჯიის ტერიტორიაზე ჩატარდა ვაკანსიების ფესტივალი, სადაც 50-მდე რესტორანი, რომელიც მუშა-ხელს ეძებს იყო წარმოდგენილი, დასაქმების ძალიან დიდ რაოდენობა მოვიდა, მაგრამ სამწუხაროდ მათი უდიდესი ნაწილი იყო რუსი ეროვნების, თუმცა რეალურად სექტორმა ვერაფერი ვერ შესთავაზა, რადგან ენის ბარიერი ძალიან დიდია, ეს ხალხი საქართველოში კადრებს ვერ ჩაანაცვლებს.
თუ ვერ დასაქმდებიან ამ ქვეყანაში და წავლენ სხვა ქვეყანაში და ეს ხალხი გამოდგება იმ სფეროებში სადაც კადრებზე შიმშილია , მაგალითად ესაა მშენებლობები და ერთჯერადი დასაქმების ობიექტები და სხვა“, - აღნიშნა შოთა ბურჯანაძემ.