რუსეთის ბაზრიდან გასვლით ბრიტანული ენერგოგიგანტი  Shell  5 მილიარდ დოლარს იზარალებს - ეს მაჩვენებელი მანამდე პროგნოზირებულს აღემატება.  ამის შესახებ ინფორმაციას კომპანიის განცხადებაზე დაყრდნობით  reuters  ავრცელებს.

კომპანიის განცხადებით. $4-დან $5 მილიარდამდე დანაკარგი კომპანიის მოგებაზე არ იმოქმედებს.

Shell-მა, რომლის საბაზრო კაპიტალიზაცია დაახლოებით $210 მილიარდია, მანამდე თქვა, რომ კლება დაახლოებით $3,4 მილიარდია, ხოლო ზრდა დამატებითმა პოტენციურმა ზემოქმედებამ გამოიწვია, რომელიც კონტრაქტებთან, დებიტორული დავალიანების ჩამოწერასთან და რუსეთის საკრედიტო დანაკარგებთან არის  დაკავშირებული.

ლონდონის საფონდო ბირჟაზე Shell-ის აქციები 1.2%-ით დაეცა.

2022 წლის დასაწყისი ნავთობისა და გაზის ინდუსტრიისთვის ათწლეულების განმავლობაში ერთ-ერთი ყველაზე ტურბულენტური პერიოდი იყო, რადგან დასავლური კომპანიები, მათ შორის Shell, სწრაფად გამოვიდნენ რუსეთიდან და რუსეთის უკრაინაში შეჭრის გამო შეწყვიტეს სავაჭრო კავშირები.

ნავთობის საორიენტაციო ფასი ბოლო თვეების განმავლობაში ერთ ბარელ ნავთობზე საშუალოდ $100 დოლარამდე და მეტად გაიზარდა, რაც 2014 წლის შემდეგ ყველაზე მაღალი მაჩვენებელია.