რუსული კომპანია „სოვკომფლოტის“ სანავთობო ტანკერები დასავლეთის სანქციების მიუხედავად, ევროპის პორტებში რეიდებს განაგრძობენ. შეზღუდვების გვერდის ავლით, „სოვკომფლოტმა“ თავისი შვილობილი კომპანიები კვიპროსსა და არაბეთის გაერთიანებულ საემიროებში განათავსა, მისი ტანკერები ლიბერიის დროშის ქვეშ დაცურავენ, ხოლო უსაფრთხოების სერტიფიცირებას ინდოეთში ამოწმებენ. ამის შესახებ ინფორმაციას კორუფციისა და ორგანიზებული დანაშაულის შესწავლის ცენტრი (OCCRP) და სააგენტო „როიტერი“ ავრცელებენ.

გამომძიებელმა რეპორტიორებმა გაარკვიეს, რომ „სოვკომფლოტის“ სანქციების გვერდის ავლას კვიპროსსა და არაბეთის გაერთიანებულ საემიროებში შვილობილი კომპანიების მეშვეობით ახერხებენ, ხოლო ლიბერიის დროშის ქვეშ ცურვა საგადასახადო ნავსაყუდელია. ამრიგად, საერთაშორისო პოლიტიკისა და ფინანსების სპეციალისტის რიკარდო სოარესის აზრით, აგრძელებს უცხოური ვალუტის მიღებას, „რაც რუსეთს ძალიან სჭირდება.“

ევროკავშირის პრესსამსახურში არ განმარტეს, თუ რატომ შეუძლიათ სანქციების დაწესების შემდეგ, "სოვკომფლოტის" გემებს კვლავ ევროპის პორტებში შესვლა. თხოვნის მიუხედავად კომენტარზე უარს ამბობენ კომპანია „სოვკომფლოტში“.

Reuters-ის ცნობით, სანქციების დაწესების შემდეგ, დასავლურმა კომპანიებმა უარი თქვეს „სოვკომფლოტის“ სანავთობო ტერმინალის უსაფრთხოების სერტიფიცირებაზე. ახლა „სოვკომფლოტის“ კუთვნილი ტანკერები დუბაის შვილობილი კომპანიის მენეჯმენტის ქვეშ თავიანთ უსაფრთხოებას ინდოეთში ადასტურებენ. ინდური სასერთიფიკატო კომპანია IRClass-ის თანახმად, მან 80-ზე მეტი გემის უსაფრთხოება დაადასტურა. 2022 წლის აპრილსა და მაისში, მისი ტანკერების უმრავლესობა გადაეცა IRClass-ს სერტიფიკატი.

უკრაინაში რუსეთის შეჭრის შემდეგ, შეერთებულმა შტატებმა და ევროკავშირის ქვეყნებმა რუსეთის უმსხვილესი გადაზიდვების კომპანია „სოვკომფლოტის“ წინააღმდეგ სანქციები დააწესეს. ის ძალაში შევიდა მარტის ბოლოს შეერთებულ შტატებში და მაისის შუა რიცხვებში- ევროკავშირში.

ივნისის დასაწყისში ევროკავშირმა სანქციების მეექვსე პაკეტი დააწესა უკრაინაში რუსეთის შეჭრის საპასუხოდ. ის ითვალისწინებს რუსეთიდან ნავთობის საზღვაო გზით იმპორტის აკრძალვას.

ჩინეთმა და ინდოეთმა მნიშვნელოვნად გაზარდეს რუსული ენერგორესურსების შესყიდვები შეერთებული შტატებისა და ევროკავშირის გადაწყვეტილების შემდეგ.
კომერსანტების განცხადებით, რუსეთი აზიის ქვეყნებში წიაღისეულ საწვავს და ქვანახშირს 30%-მდე ფასდაკლებით ყიდის.

წყარო: radiotavisupleba.ge