რუსეთის მიერ უკრაინის წინააღმდეგ დაწყებული ომის ეკონომიკური ზარალი უკვე სახეზეა. ფაქტობრივად ყველა მიმართულებით იკვეთება კოლაფსის ნიშნები. ნავთობმა გაძვირების სწრაფი ტემპი აიღო და  და ამ მომენტისთვის 1 ბარელის ღირებულებამ  104 დოლარს მიაღწია. საერთაშორისო სანავთობო ბირჟები ჩამოშლის პირასაა.

ომის ნეგატიური გავლენა იგრძნობა ქართულ ეკონომიკაშიც. სიტუაცია თანდათან იძაბება, რაც პირველ რიგში, ლარის კურსს დაეტყო. ძლივს გამყარებულმა ლარმა დილიდანვე დაიწყო  გაუფასურება და ერთბაშად 10 პუნქტით დაეცა.

თბილისის დროით 12:47 საათზე ბლუმბერგის სავაჭრო პლატფორმაზე 1 დოლარის ღირებულებამ 3.0945 ლარს მიაღწია. აღსანიშნავია, რომ ქართული ვალუტა უფრო მეტად არის  გაუფასურებული, ვიდრე უკრაინულ გრივნა, რომელიც დღეს  დილიდან 3%-ით დაეცა და ამჟამად 1 დოლარი დაახლოებით 30 გრივნას შეადგენს.

რაც შეეხება რუსულ რუბლს, მან რამდენიმე საათის განმავლობაში თითქმის 9%-იანი გაუფასურება განიცადა. ამ დროისთის ერთი დოლარი 89 რუბლად ივაჭრება.