დასავლეთის სანქციების გამო რუსეთის ოქროსა და სავალუტო რეზერვების დაახლოებით ნახევარი (დაახლოებით $300 მილიარდი) გაიყინა, - ამის შეასხებ განაცხადა ქვეყნის ფინანსთა მინისტრმა ანტონ სილუანოვმა, რომლის კომენტარიც რუსულმა საინფორმაციო სდააგენტო rbc.ru-მ გაავრცელა.
ამის შესახებ იტყობინება RBC-Ukraine-იც, სწორედ რუსეთის ფედერაციის ფინანსთა მინისტრის, ანტონ სილუანოვის რუსული ტელევიზიისთვის მიცემულ ინტერვიუზე დაყრდნობით.
სააგენტო წეს, რომ რუსეთს არ შეუძლია გამოიყენოს 300 მილიარდი დოლარის რეზერვები, რომლებიც ადრე ფლობდა. აშშ-ს, ევროკავშირისა და მოკავშირეების სანქციების გამო რეზერვებზე რუსეთის წვდომა დაიკარგა.
ეს არის იმ რეზერვების დაახლოებით ნახევარი, რაც ჩვენ გვქონდა. ჩვენ გვაქვს რეზერვების საერთო რაოდენობა დაახლოებით 640 მილიარდი, დაახლოებით 300 მილიარდი რეზერვები ახლა ისეთ მდგომარეობაშია, რომლითაც მათ ვერ გამოვიყენებთ, - ამბობს რუსეთის ფინანსთა მინისტრი და დასძენს, რომ ქვეყანას რეზერვების გაყინვის გამო პრობლემები შეექმნა ვალდებულებების, მათ შორის, ვალის მომსახურებნასთან დაკავშირებით.
სილუანოვმა თქვა, რომ რუსეთის ოქროსა და სავალუტო რეზერვების ნაწილი იუანშია განთავსებული და დასავლეთი ცდილობს ჩინეთიც შეზღუდოს, რომ არ დაუშვას რუსეთის წვდომა მის ვალუტაზე.
და ჩვენ ვხედავთ ზეწოლას დასავლეთის ქვეყნების მიერ ჩინეთზე, რათა შეზღუდოს ორმხრივი ვაჭრობა ჩინეთთან. რა თქმა უნდა, არის ზეწოლა, რომ შეზღუდოს წვდომა იმ რეზერვებზე, რომლებიც ჩვენ გვაქვს იუანში, - თქვა მან.
შეგახსენებთ, საერთასორისო სარეიტინგო სააგენტო FITCH-ი რუსეთის დეფოლტს პროგნოზირებს. რუსი ექსპერტების პროგნოზები არასაიმედოა.
რუსეთი უკრაინაში 24 თებერვალს, გამთენიისას შეიჭრა და მას შემდეგ განუწყვეტლივ ბომბავს, როგორც სამხედრო ობიექტებს, ისე მშვიდობიან მოსახლეობას. მოსკოვი საჯარო განცხადებებში უარყოფს სამოქალაქო ობიექტების მიზანში ამოღებას. გაეროს მონაცემებით, უკრაინა უკვე დატოვა 2.5 მილიონმა ადამიანმა.
უკრაინა რუსეთის ტერორისტ ქვეყნად გამოცხადებას ითხოვს და ჰააგის სასამართლოში ჩივის. სასამართლო პროცესი გასულ კვირას დაიწყო, თუმცა პროცესზე არ გამოცხადდა რუსეთის წარმომადგენელი იმ მიზეზით, რომ რუსული მხარის მტკიცებით, ჰააგის სასამართლოს ამ საკითხზე მსჯელობის ლეგიტიმაცია არ აქვს.
როგორც უკრაინის სახალხო დამცველი აცხადებს, სრული სიზუსტით გროვდება რუსეთის მიერ უკრაინაში ჩადენილი სამხედრო დანაშაულის ყველა ფაქტი და უკრაინა მას სამხედრო ტრიბუნალამდე მიიტანს.
რუსეთს უკრაინაში შეჭრის და იქ საომარი მოქმდებების გამო სანქციები დაუწესა ლამის მთელმა მსოფლიომ, უიშვიათესი გამონაკლისის გარდა.
ქვეყანას ერთი მეორის მიყოლებით ტოვევენ უცხოური კომპანიები. ამის საპასუხოდ რუსეთის მთავრობა ამ კომპანიების რუსეთში არსებული ქონების მითვისებით იმუქრება.
რუსეთის საერთაშორისო რეზერვები გაყინულია.
რუბლის კურსზე ზეწოლის პრევენციისთვის ქვეყნის მთავრობამ რუსეთიდან ვალუტის გატანაზე ლიმიტი დააწესა, თუმცა უშედეგოდ, თითქმის 90%-მდეა გაუფასურებული რუბლი.
რუსეთის საფონდო ბირჟა 28 თებერვლიდან დახურულია და მისი გახსნა ამ დრომდე ვერ ხერხდება.
რუსეთი ჩახსნილია გადახდის საერთაშორისო სისტემიდან „სვიფტიდან". ქვეყანაში შეწყდა Visa-ს, Mastercar-ის, American Express-ის და JCB-ის და PayPal -ის საგადახდო ბარათების მუშაობა.
კანადამ ,აშშ-მა და დიდმა ბრიტანეთმა ემბარგო დაადო რუსულ ნავთობს, რითაც ქვეყანამ მილიარდობით შემოსავალი დაკარგა.
ფრენებს რუსეთის მიმართულებით აჩერებენ უცხოური ავიაკომპანიები. თავად რუსული ავიაკომპანიებიც იძულებული არიან შეაჩერონ ყველა საერთასორისო ფრენა, რადგან სალიზინგო ხელშეკრულებების დარღვების გამო, მათ თვითმფრინავებს ინტენსიურად აყადაღებენ.
სანქციების გამო, რუსი ოლიგარქების იახტებსაც "აპატიმრებენ" მსოფლიოს სხვადასხვა ქვეყანაში.
მოკლედ, რუსეთი სრულ ფინანსურ იზოლაციასა და სრულ ეკონომიკურ ბლოკადაშია მოქცეული. საერთაშორისო სარეიტინგო კომპანიები მას დეფოლტს უწინასწარმეტყველებენ.
ექსპერტების შეფასებით, დეფოლტი რუსეთს, როგორც ქვეყნის შიგნით, ასევე მის გარეთაც მოუღებს ბოლოს. დეფოლტის გამოცხადება ნიშნავს, რომ ისინი ვალებს ვერ მოემსახურებიან, შესაბამისად მეორე მხარე დაიწყებს მათი აქტივების დაყადაღებას და ჩამორთმევას შემდგომი გაყიდვის და ვალის ამოღების მიზნით. ეს პროცესი წლობით გრძელდება და ამ დროს ასეთ ეკონომიკას, როგორც წესი, არავინ ეკარება, - არც ინვესტორი, არც ექსპორტიორი, არც ბანკი და ა.შ. სპეციალისტების პროგნოზით, მინიმუმ მომდევნო 10 წელი და, შეიძლება მეტიც, რუსეთი დარჩება იზოლაციაში. მოკლედ რომ ვთქვათ, ესაა ეკონომიკური ფსკერი.
ავტორი: ბელა გელაშვილი