რუსეთის სასწავლო პროგრამაში II მსოფლიო ომამდელ და ომის შემდგომი თაობების საბჭოთა მწერლების ნაწარმოებებს აბრუნებენ.

რუსეთის ფედერაციის განათლების მინისტრის განცხადებით, სასკოლო პროგრამას დაემატება ალექსანდრე ფადეევის „ახალგაზრდა გვარდია“ და მიხაილ შოლოხოვის „წყნარ დონი“.

„ჩვენ დავამტკიცეთ ფედერალური საბაზისო საგანმანათლებლო პროგრამები, რომელიც მოიცავს ალექსანდრე ფადეევის „ახალგაზრდა გვარდიას“, ბონდარევის რომანს „ცხელი თოვლი“, სიმონოვის „არტილერის ვაჟს“, ეპიკური რომანს - შოლოხოვის „წყნარ დონს“ და სხვა ნაწარმოებებს“ - განაცხადა მინისტრმა.

მისი თქმით, პროგრამაში იქნება ასევე ნიკოლაი ოსტროვსკის რომანი „როგორ იწრთობოდა ფოლადი“, ალექსეი ტოლსტოის „რუსული პერსონაჟი“ და სერგეი სმირნოვის „ბრესტის ციხე“.

„ვფიქრობ, ეს ძალიან სწორი ინიციატივაა,“ - აღნიშნა კრავცოვმა.

იდეა18 იანვარს, რუსეთის პრეზიდენტის ვეტერანებთან შეხვედრისას გაჩნდა. ვლადიმირ პუტინი დათანხმდა, რომ ეს წინადადება განხილვას იმსახურებდა და პირობა დადო, რომ მინისტრ კრავცოვთან საბჭოთა კლასიკოსების ნამუშევრების სკოლებში დაბრუნებას განიხილავდა.